Во трговски центар во Скопје денеска напладе полициски службеници од полициската станица Центар уапсиле двајца скопјани со иницијали А.К. и Е.Р, кои биле затекнати при извршување кражба, во која одземале пари од лицето З.С.

Парите биле пронајдени и вратени на сопственикот.

Разбојниците биле приведени во полициска станица и по целосно документирање на случајот против нив ќе бидат поднесени соодветни пријави.

Стружанец се обидел физички да нападне своја колешка, по што ` се заканувал.

Како што информираат од полицијата, тој се сомничи за кривично дело загрозување на сигурноста.

„Мажот во текот на октомври 2021 во Струга се обидел физички да нападне негова колешка, но бил спречен, по што на мобилен телефон ` упатувал пораки со закани“, информираат од МВР.

Полицијата поднесе кривична пријава против 36-годишна жена од Кавадарци поради оштетување и неовластено навлегување во компјутерски системи.

„На 11 номеври во продажен објект во Кавадарци пријавената пронашла кредитна картичка од банка, сопственост на А. М., и без нејзина согласност во повеќе наврати извршила наплати во повеќе продажни објекти во Кавадарци, со што стекнала противправна имотна корист од 13.800 денари“, соопшти полицијата.