Охридската полиција поднесе кривична пријава против тројца битолчани поради сомнение за сторени девет кривични дела „тешка кражба“ и кривично дело „тешка кражба во обид“.

Како што информираат од МВР, во периодот од 07. јули до 24. октомври годинава на подрачјето на Охрид, во маркети, магацин, спортска обложувалница и кафе-бар, со употреба на алат и физичка сила разбојниците ги обивале влезните врати и одзеле парични средства, разни видови на цигари и други колонијални производи, со што се стекналe со противправна имотна корист од 805.000 денари.

Секторот за внатрешни работи – Охрид поднесе кривична пријава против А.Ф. на возраст од 37 години и Ж.Р. на возраст од 28 години, двајцата од Охрид.

Од полицијата посочуваат дека лицата се товарат за сторени кривични дела „изнуда” и „насилство“.

„На 9 овој месец, околу 11:30 часо,т во Охрид, во угостителски објект на улицата Кленоец првопријавениот, кој бил заедно со второпријавениот, физички го нападнал 54-годишниот А.П., исто така од Охрид, при што му побарал 2 000 евра и патничко моторно возило, кое требало да биде пренесено на второпријавениот. При тоа, второпријавениот ги спречувал гостите да влезат во објектот, додека 46-годишниот А.Ј. од Охрид не сакал да го напушти објектот, по што првопријавениот физички го нападнал“, велат од МВР.

Од полицијата додаваат дека првопријавениот упатувал закани и кон други лица.

Секторот за внатрешни работи во Тетово поднесе кривична пријава против 22-годишниот М.А. и 27-годишниот Е.А., двајцата од Тетово.

Кривичната пријава е поднесена поради постоење основи на сомнение за сторени кривични дела „тешка кражба“ и „фалсификување на исправа“, велат од МВР.

Во месец октомври годинава во Тетово, на улицата Љубо Божиноски Пиш, во објект-магацин пријавените извршиле тешка кражба, на начин што додека второпријавениот чувал стража, првопријавениот со употреба на погоден предмет скршил прозорeц, влегол внатре, од каде одзел разновидна музичка опрема, во вредност од 30 000 денари, која ја сокрил во нива што се наоѓала непосредна близина, велат од полицијата.

Од МВР додаваат дека истиот тој ден, првопријавениот со возило „југо“ на кое имал поставено регистарски таблички од друго возило, дошол на наведената локација каде што претходно ги сокрил украдените предмети, по што бил приведен.