Црна хроника
Кривична за скопјанец кој правел бизниси во име на непостојна фирма

Штипската полиција поднесе кривична пријава против 34-годишен скопјанец поради сомнение дека сторил кривични дела измама и оштетување или повластување доверители.
Пријавениот во текот на декември минатата година ги довел во заблуда одговорните на три правни лица од Штип.
Тој од нив порачал и во неколку наврати набавил трговска стока преку фактура во вкупен износ од 2.099.981 денар лажно претставувајќи се како сопственик и управител на позната и голема скопска фирма (која не постои и никогаш не постоела), при што ги оштетил штипските фирми.
Исто така, во текот на октомври минатата година, застапувајќи правно лице од Скопје, со претходно дадени овластувања во име и за сметка на правното лице, ополномоштен на 27 јануари 2017 од управителот, иако знаел дека правното лице е неспособно за плаќање со блокирана сметка и во постапка за ликвидација, во два наврата од друго правно лице од Штип набавил 150 канти за отпадоци во вредност од 200.010 денари, кои веднаш ги продал на црно, со што го оштетил доверителот за наведениот износ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Приведен криумчар на мигранти, ги сокрил во бункер меѓу кабината и товарниот дел

Денеска (02.10.2023) околу 19 часот на регионалниот пат Стојаково-Богданци, полициски службеници од РЦГР Југ- ПС за ГП и ГН Богородица го лишиле од слобода М.С. (63) од Скопје, кој во товарно моторно возило „ман“ со скопски регистерски таблички превезувал 11 мигранти од Сирија.
Откако возилото било запрено, од страна на полициските службеници бил воочен бункер меѓу кабината и товарниот дел, каде по детален преглед биле пронајдени мигрантите. По документирање на случајот, ќе биде поднесена соодветна кривична пријава.
Црна хроника
(фото) Претрес во Волково, запленета дрога, приведен дилер

На 05.09.2023 полициски службеници од СВР Скопје- Единица за недозволена трговија, по претходно добиени оперативни сознанија и наредба за претрес од Основен кривичен суд Скопје, извршија претрес во дом кај И.К. (31) во Волково, скопско.
При претресот пронајдени се марихуана, дигитална вага и еден куршум. Лицето е лишено од слобода и задржано во полициска станица и против него, по документирање на настанот, ќе биде поднесена соодветна кривична пријава по брза постапка.
Црна хроника
Приведени шест албански државјани во Тетовско

На 30.09.2023 во периодот од 10.00 до 13.30 часот на подрачјето на с.Гајре, тетовско, полициски службеници од Одделението за прекуграничен криминал, миграции, странци и реадмисија Тетово при Регионалниот центар за гранични работи Север ги привеле З.К.(44), Л.Н.(53), С.M.(43), Џ.Х.(57), М.Х.(33) и С.О.(59), сите од Република Албанија.
По извршените проверки било констатирано дека лицата непријавено престојувале на подрачјето или престојувале спротивно на наведената цел за престој. Против лицата се поднесени барања за поведување постапка, а Основниот суд Тетово им изрече соодветни санкции, а од Одделението за прекуграничен криминал, миграции, странци и реадмисија Тетово донесени се решенија да ја напуштат територијата на државата со законски определена забрана за влез.