Дежурен јавен обвинител од Основното јавно обвинителство Струга синоќа изврши увид во стан во Струга каде маж си ја уби жената на возраст од 34 години.

Според првичните сознанија, по претходна меѓусебна расправија, сопругот и’ нанел неколку смртоносни убоди со нож на жената, а потоа се обидел и да се самоубие. Настанот се случил во домот на нивни пријатели каде сопружниците биле во посета.

По наредба на јавниот обвинител ќе биде извршена обдукција врз телото на починатата. Од лице место прибрани се траги и докази кои ќе бидат вештачени, меѓу кои и оружјето со кое било извршено кривичното дело. Заради утврдување на фактите, јавниот обвинител ќе ги испита и сведоците на настанот.

По обидот за самоубиство, 39-годишниот осомничен е опериран и се наоѓа надвор од животна опасност.​

Стружанец ја убил својата 34-годишна жена по расправија. Убиството се случило доцна вечерва. Според првичните информации од увидот на полицијата, жената била бодена со нож.

„Пријавено е дека во Струга, на улцата Ристо Крле, при расправија со својот сопруг, С. Р. (1987) од убод од нож е повредена и им подлегнала на повредите. Смртта ја констатирала Итната медицинска помош“, велат од МВР.

Во тешка состојба е и 39-годишниот Ј. Р., кој ја убил жената. Неофицијално, сопругот по убиството се обидел и да се самоубие. Тој е пренесен во Општата болница во Струга.

Три лица се тешко повредени во сообраќајна несреќа што вчера попладне се случила на булеварот Партизански одреди во Скопје помеѓу полициско возило „ауди 4“ и „хјундаи“.

Во незгодата повредени се двајцата возачи – М. М. (30) и Д. С. (46) и совозачот на полициското возило З. Т. (52), сите тројца од Скопје.

Извршен е увид.