Скопската полиција по претходни сознанија за сторени повеќе кривични дела на подрачјето на Центар, денеска го усапсила 22-годишниот С.Ф. од скопското село Арачиново.

Како што информираат од МВР, тој заедно со уште едно лице, во периодот од март до август годинава извршил четири кривични дела: две разбојништва, едно разбојништво во обид и една тешка кражба на дрзок начин.

Во попладнивните часови на 25. септември во полициската станица Неготино, 59-годишна жена од овој град пријавила дека била измамена од 18-годишниот А.М. од селото Патишка Река, за сума од 10.000 евра.

Според пријавеното, околу 13 часот истиот ден, таа и нејзиниот сопруг кај нотар во Неготино со 18-годишникот завериле купопродажен договор за нивното возило „ауди а4“, а тинејџерот бил придружуван и од неговиот брат Н.М.

По ова, сите заедно заминале за Кавадарци, каде А.М. отишол во банка за да подигне пари во износ од 10.000 евра за исплата на возилото, додека пријавителката, нејзиниот сопруг и Н.М. чекале.

Според пријавата на оштетените, по некое време братот на 18-годишникот им рекол дека ќе оди до банката да види до каде е брат му, но и двајцата не се вратиле, па за кусо време во банката отишле и пријавителката со сопругот, но не ги пронашле ни браќата, ниту возилото, по што заклучиле дека се измамени.

Полицијата презема мерки за расчистување на случајот.

Во попладневните часови на 25. септември во работна канцеларија во СВР Струмица, се случил инцидент во кој инспектор несакајќи испукал куршум од својот прштол, додека во канцеларијата имало уште двајца негови колеги.

Според информациите од МВР, инспекторот вршел проверка на службениот пиштол и од невнимание испукал еден куршум кој се забил во паркетот во близина на неговото работно биро.

Во инцидентот нема повредени лица, а во канцеларијата бил извршен полициски увид.