Поради постоење основи на сомнение за сторено казнено дело „несовесно работење во службата“, СВР Охрид до надлежното Јавно обвинителство поднесе кривична пријава против Љ.А.(62), М.К.(60) и Г.С.М.(47) од Охрид. Од ноември 2013 до август 2017 година Љ.А. и М.К. во својство на директор и помошник-директор за економски работи на ЈЗУ „Општа болница“ Охрид, со пропуштање на должен надзор во вршењето на службените овластувања, на Г.С.М. ѝ овозможиле продолжување на времетраењето на нејзините докторски специјализации од максимум утврдениот рок од 60 месеци и не ја задолжиле да се врати на работното место општ доктор во болницата.

Наместо тоа, Љ.А. и М.К. ѝ овозможиле да остане уште 46 месеци на сметка на болницата исплаќајќи ѝ плата и надоместоци без извршени работни задачи. На тој начин, тие ѝ нанеле штета на ЈЗУ „Општа болница“ Охрид од вкупно 1.240.727,оо денари.

Пожар избувнал во близина на Патишка Река. Како што информира МВР, вчера околу 18 часот во СВР Скопје било пријавено дека во близина на село Патишка Река, Скопско, настанал пожар на нискостеблеста шума, кој се шири кон појас на шума од даб и смрека. Известена е Територијалната противпожарна единица и преземени се мерки за гасење на пожарот.

Автомобил удрил во пешак во Кавадарци, по што возачот побегнал. Како што информира полицијата, на 25.03.2019 околу 19.30 часот на крстосницата од улиците „Народен Фронт“, „8 Март“ и „Подлешка“ во Кавадарци, возило управувано од непознат возач, удрило во пешакот А.Р.(67) од Кавадарци и го напуштило местото на настанот.

Со тешки телесни повреди А.Р. бил пренесен во болницата во Кавадарци каде му била укажана помош. Се преземаат мерки за пронаоѓање на возачот и возилото и за расчистување на случајот.