25-годишен струмичанец е уапсен, а полицијата го сомничи за четири кражби на подрачјето на Струмица.

Имено, вчера, во 14 часот во с. Куклиш, Струмичко, полициски службеници од Секторот за внатрешни работи Струмица го лишиле од слобода Г. П. (25) од с. Ангелци, Струмичко.

Тој се сомничи дека извршил три кривични дела тешка кражба на дрзок начин и едно кривично дело кражба на подрачјето на Секторот за внатрешни работи Струмица.

За случајот бил известен јавен обвинител, а по негово документирање, против Г. П. ќе бидат поднесени соодветни пријави.

Вчера, околу 20.50 часот, на улицата Иво Лола Рибар во Тетово, полициски службеници на СВР Тетово го лишиле од слобода 32-годишниот тетовец Е. И..

Тој бил баран по издадена судска наредба за издржување затворска казна.

Е. И. бил приведен во полициска станица по што бил спроведен во Казнено-поправната установа „Затвор Тетово“ во Тетово за издржување на казната.

Во текот на вчерашниот ден полициски службеници од Секторот за внатрешни работи Струмица презеле засилени мерки за откривање и санкционирање лица што вршат бесправна сеча и превоз на огревни дрва, при што на планината Беласица биле запрени со товарно возило „застава“, со струмички регистарски ознаки, управувано од Ф. М. (29) од селото Банско, натоварено со бесправно исечени огревни дрва, и моторно возило „лада“, со струмички регистарски ознаки, управувано од Ј. Д. (22) од селото Свидовица, Струмичко, исто така натоварено со бесправно исечени огревни дрва.

Во рамките на преземените мерки и активности, на друга локација на планината Беласица, дополнително биле пронајдени 4 кубни метри бесправно исечени огревни дрва.

Дрвата и возилата се одземени и предадени на Шумската полиција Струмица, соопшти полиицијата.

За случајот е известен јавен обвинител од Основно јавно обвинителство Струмица, а по негово целосно документирање, против лицата ќе бидат поднесени соодветни пријави.