Црна хроника
Отворена истрага за скопјанец, кој без дозвола поседувал оружје
Основното јавно обвинителство Скопје донесе наредба за спроведување истражна постапка против 28-годишен скопјанец за недозволено изработување, држење и тргување со оружје или распрскувачки материи од член 396 став 1 од Кривичниот законик.
Пронаоѓањето на оружјето следувало откако осомниченот бил лишен од слобода од полициски службеници поради нарушување на јавниот ред и мир. Притоа тој почнал вербално да се заканува дека ќе употреби огнено оружје. Оружјето, пиштол ZORAKI M 906-B и 30 куршуми, кои осомниченото лице ги поседувало без дозвола, при извршен претрес биле пронајдени во помошни простории во домот каде што тој живеел со своите родители.
Заради обезбедување непречено водење на кривичната постапка, јавен обвинител од Основното јавно обвинителство Скопје до Основниот кривичен суд Скопје достави предлог за определување мерка притвор за осомничениот. Судот со решение на осомничениот му определи мерки на претпазливост ,и тоа забрана за напуштање на живеалиштето, односно престојувалиштето, задолжително јавување пред надлежен орган и привремено одземање на патната исправа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Загина кумановец: со мотоцикл излетал од патот
Вчера во 16.32 часот во СВР Битола било пријавено дека на патот А-3 Битола- Ресен се случила сообраќајна несреќа, во која Д.С.. (40) од Куманово управувајќи мотоцикл „кавасаки” со кумановски регистарски ознаки, изгубил контрола и излетал од патот.
Од страна на доктор од Итна медицинска помош Битола кај возачот е констатирана смрт на местото на настанот.
Увидот го извршила увидната екипа на СВР Битола, во присуство на јавен обвинител.
Црна хроника
Приведен бегалец од затвор: бил баран со потерница за доиздржување на над четири години казна
Денеска во Скопје од страна на полициски службеници од Единицата за интервентна полиција при СВР Скопје од слобода е лишен С.Б. (30) од Скопје, кој бил баран по централна потерница од МВР, а по наредба од КПУ Идризово поради бегство од затворот.
С.Б. е осуден на казна затвор од седум години и шест месеци поради сторено кривично дело по член 215 ст. 1 од КЗ, а за доиздржување има четири години, три месеци и 12 дена.
Лицето ќе биде предадено на надлежната казнено поправна установа, соопшти полицијата.
Црна хроника
Со возило на авто-школа удрен, па натепан малолетник
Вчера во 15.15 часот во СВР Скопје било пријавено дека на паркинг простор пред авто-школа на подрачјето на Бит Пазар, откако со возило бил удрен малолетник од Скопје, возачот од возилото физички го нападнал.
Потоа, според пријавеното, откако малолетникот се пожалил на неговата мајка Ѓ.Ј.(39) од Скопје, таа дошла и од службена просторија на авто школата била истуркана надвор и физички била нападната од истото лице.
Се преземаат мерки за расчистување на случајот, велат од МВР.