Изутринава во 2.50 часот во СВР Тетово било пријавено дека настанал пожар во просторија од Манастирскиот комплекс во селото Лешок, Тетовско, при што бил опожарен ситен инвентар. Пожарот е изгаснат од Противпожарната единица од Тетово, а увид е извршен, информира полицијата.

Полицијата трага по 88-годишен скопјанец кој го напуштил домот и заминал во непознат правец. Вчера во 14.30 часот во СВР Скопје, Р.Е.(45) од Скопје, пријавил дека неговиот татко И.Е.(88) од Скопје, кој имал здравствени проблеми, по претходна семејна расправија, се оддалечил од својот дом. Се преземаат мерки за пронаоѓање на лицето, информира МВР.

Вчера во во 11.40 часот во СВР Скопје било пријавено дека на ул.„Тодор Чангов“ на Д.T.(68) од Скопје едно лице со закана ѝ одзело пари. Се преземаат мерки за расчистување на случајот, информира МВР.