СВР Тетово поднесе кривични пријави против Л.Ј.(35), У.С.(23), М.Ф.(30), А.П.(26), Ф.С.(51), Ф.С.(45), Ј.П.(33), Ј.С.(31), А.И.(30), сите од селото Слатино, тетовско, поради постоење основи на сомнение за сторено кривично дело непостапување според здравствените прописи за време на епидемија.

Од полицијата информираат дека тие за време на полициски час се забавувале и запалиле оган на улица на главниот пат с.Слатино – Тетово.

Четириесет и седумгодишен тетовец во полицијата пријавил дека бил физички нападнат од едно лице.

Според пријавеното, додека бил на работа како такси возач, на регионалниот пат Тетово-Желино, пред седиштето на такси компанијата, лицето физички го нападнало, откако претходно го следело со возилото од кружниот тек од булевар „Маршал Тито“ и булевар „Видое Смилевски Бато“, каде што имале недоразбирање околу првенство на минување.

Исто така, според пријавеното, лицето извадило и пиштол и му се заканило на таксистот, информираат од полицијата.

Се преземаат мерки за расчистување на случајот.

Вчера во полицијата било пријавено дека на магистралниот пат Куманово-Табановце имало лице кое лежи покрај патот.

Полициските службеници излегле на местото и било констатирано дека се работи за лице мигрант од Авганистан на возраст од околу 15 години, кој имал повреди на ногата.

Тој бил пренесен во Општата болница Куманово каде му била констатирана прострелна рана во десна потколеница и му била укажана лекарска помош. Се преземаат мерки за расчистување на случајот.