Двајца мотоциклисти се здобиле со тешки телесни повреди во одделни сообраќајни несреќи кои се случиле во понеделникот во Велес и Охрид.

Првата несреќа се случила околу 17:25 часот во Велес, на крстосницата меѓу улиците „Методија Андонов Ченто“ и „Борис Трајковски“, кога патничко возило „мерцедес“, управувано од 60-годишен возач од Велес, удрило во мопед „томос“ со кој управувал 80-годишен мотоциклист, исто така од Велес. Тој се здобил со тешки повреди и е пренесен во Општата болница Велес.

Втората несреќа се случила нешто пред полноќ, во 23:10 часот, на улицата „Партизанска“ во Охрид. Судриле патничко возило „пежо“, управувано од 32-годишен маж од охридското село Куратица, и мопед „дерби“ со кој управувал 22-годишен охриѓанец. Мотоциклистот е префрлен во Специјалната болница „Св. Еразмо“ со тешки повреди.

Во двата случаи, по наредба на јавен обвинител, бил извршен увид.

Вчера на улицата Нада Циривири во Прилеп, патничко возило ‘опел’ со прилепски регистарски ознаки, управувано од 19-годишната Е.И. од Прилеп, удрило во пешакот М.Ѓ.(81).

Во несреќата, пешакот М.Ѓ. се здобил со тешки телесни повреди, констатирани во Градска болница  Прилеп.

Увид на местото на несреќата извршила увидна екипа од ОВР Прилеп.

Жителка на Штип при чистење на станот на својот починат татко вчера попладне пронашла рачна бомба и веднаш пријавила во полиција.

На терен излегол пиротехничар од Дирекцијата за заштита и спасување, кој безбедно ја отстранил бомбата.

За инцидентот бил известен и јавен обвинител.