Четириесет и четиригодишник од селото Чифлик, Тетовско, вчера напладне во скопското село Вртекица бил нападнал со вила.

Според пријавеното, нападот го извршил М. Х., а поводот биле нерасчистени должничко-доверителски односи.

Од полицијата информиаат дека е направен записник за констатиран прекршок по член 12 од Законот за прекршоците против јавниот ред и мир.

Синоќа, на магистралниот пат Радовиш – Штип, во близина на клучката за с. Љуботен, се случила сообраќајна незгода, при што едно лице го загуби животот.

Според информациите од полицијата, во несреќата учествувале возило „опел корса“, со штипски регистарски ознаки, управувано од С. А. (33) од Кочани, патничко возило „пежо 206“, со радовишки регистарски ознаки, управувано од М. Р. (28) од Радовиш и патничко возило „мерцедес“, со штипски регистарски ознаки, управувано од А. Т. (40) од Кочани.

„Во незгодата починал Е. М. (42), сопатник во патничкото возило ‘опел корса’, возачот добил тешки телесни повреди, а двајца сопатници телесни повреди“, информираат од МВР.

Увид на местото извршиле екипа на СВР Штип и јавен обвинител.

Нова мигрантска драма деновиве се случувала во кумановското село Ваксинце, каде што две лица од Пакистан во засложништво држеле 19 мигранти.

Полицијата случајот го расветлила денеска, а двајцата сторители се приведени.

Од МВР велат дека се работи на целосно расчистување на случајот по што ќе биде поднесена соодветна пријава.

Пред еден месец во куќа во истото село беа пронајдени 51 мигрант, меѓу кои и 6 малолетни лица.

Вистински хорор во истото село се случуваше и минатата година кога беа затечени државјанин на Македонија и тројца Пакистанци, кои мачеа мигранти во куќа постапувајќи сурово со нив. Според обвинението, тие им давале еден оброк во денот. Мигрантите тогаш беа физички малтретирани, а поради пластичните црни кеси залепени на прозорците, го изгубиле чувството за време и не знаеле дали е ден или ноќ. Жртвите лани во Ваксинце беа тепани со црево од страна на обвинетите, кои со нож им се заканувале дека ќе ги убијат ако не платат или нема да им дозволат да продолжат по мигрантската рута.