Осумнаесетгодишно момче ја нападнало својата мајка прес трговски центар во скопската населба Аеродром.

„На 01.12.2022 во 00.40 часот во Полициската станица Аеродром, 46-годишна жена од Скопје пријавила дека околу 00.15 часот пред трговски центар на подрачјето на Аеродром била физички нападната од нејзиниот син“, соопшти МВР.

Се преземаат мерки за расчистување на случајот.

Единицата за економски и компјутерски криминал при СВР Скопје поднесе кривична пријава против Г. Н. (33) од Скопје поради постоење основи на сомнение за сторено кривично дело фалсификување исправа по член 378 од Кривичниот законик.

Пријавениот во текот на 2022 година извршил преправка на сообраќајната дозвола на своето патничко возило во рубриката „важи до“, при што биле преправени вистинските податоци и биле впишани невистинити податоци, односно била преправена годината на регистрација, па наместо до 2021 година, било впишано до 2022 година.
Така преправената сообраќајна дозвола ја употребил при изготвување и потпишување купопродажен договор за отуѓување на возилото доведувајќи го во заблуда купувачот на возилото дека важноста на регистрацијата е до 2022 година.

Вчера, во 17.30 часот, во СВР Битола било пријавено дека на улицата 4 Ноември во Битола, патничко возило „нисан“, со грчки национални ознаки, управувано од Г. К. (37) од с. Јанковец, Ресенско, удрило во В. Ф. (57) од Битола.

Во несреќата В. Ф. добила тешка телесна повреда, констатирана во Клиничката болница Битола.

Увид на местото, според надлежните, извршила екипа на СВР Битола.