Во утринските часови на 1 март тетовската полиција го привела 47-годишниот М. З. (47) од тетовското село Мала Речица за издржување казна затвор од една и пол година поради неовластено производство и пуштање во промет наркотични дроги.

Осуденикот бил спроведен во затворот „Идризово“ во Скопје за издржување на казната.

Шест лица биле фатени на скопскиот аеродром со фалсификувани ПЦР-тестови на Ковид-19, кои наводно им биле извадени од лаборатории во Скопје.

„Против шест лица, меѓу кои четворица македонски државјани, една државјанка на Швајцарија и една на Велика Британија, Основното јавно обвинителство Скопје поднесе обвинителен предлог за кривично дело фалсификување исправа во согласност со член 378 став 1 од Кривичниот законик.

При излез од државата, во одделни кривично-правни настани, обвинетите, на граничниот премин на Меѓународниот аеродром ‘Скопје’, прикажувале лажни потврди за негативни ПЦР-тестови на SARS-CoV-2, кои наводно биле издадени од лаборатории во Скопје. Потврдите како вистински ги прикажувале пред овластените службени лица иако знаеле дека воопшто не се тестирале во наведените лаборатории“, соопшти Обвинителството.​

Oхридската полиција поднесе кривична пријава против 22-годишниот П. Т. од овој град поради сомнение за сторено кривично дело фалсикување исправа.

Како што информираат од МВР, при преглед извршен на 9 ноември минатата година кај него била пронајдена фалсификувана возачка дозвола по што, по извршени проверки, констатирано е дека тој воопшто не поседувал возачки документи.