Секторот за внатрешни работи Скопје во текот на вчерашниот ден (05.06.2023) продолжи со контролите во областа на сообраќајот.

На територија на град Скопје изречени се вкупно 180 мерки, меѓу кои за возење повеќе од дозволената брзина 47 санкции, седум мерки за возење без возачка дозвола, шест санкции за прекршоци што ги прават возачите на мотоцикл.

Изречени се 10 мерки за користење мобилен телефон при возење, 14 санкции за непрописно престигнување и обиколување, четири мерки за технички неисправни и нерегистрирани возила…

МВР апелира до граѓаните да ги почитуваме сообраќајните правила и прописи за да ја зголемат безбедноста во сообраќајот и заедно да придонесат за посигурни патишта.

Две лица се повредени во сообраќајната несреќа на булеварот 8-ми Септември во близина на спортскиот центар Борис Трајковски.

Според информациите од МВР за „Макфакс“ во несреќата учествувале три возила: „сеат“, „фиат“ и уште еден „сеат“.

Според првичните информации повредени се две лица.

Како што и претходно објави „Макфакс“, карактерот на повредите засега е непознат.

Во тек е увид.

Два автомобили се судрија на булеварот „8 септември“ во близина на спортскиот центар „Борис Трајковски“. Од првичните информации, има повредени лица. Карактерот на повреди – засега е непознат.

Возилата се оштетени. На едното од нив, марка „сеат“, пукнато е стаклото од страната на возачот и истото е распрскано на булеварот. Паднат е и фар од едно од возилата. Била укажувана и прва помош, а на улицата се остатоци од гази, како и лични предмети.

„Макфакс“ побара информации од МВР за несреќата, од каде најавија информации за наскоро.