Црна хроника
(Видео) Повреден параглајдерист во Крушево, се пренесува со полициски хеликоптер
Центарот за управување со кризи (ЦУК) соопшти дека денеска во 18:11 часот на единствениот број за итни случаи 112 е добиена пријава за тешко повреден германски државјанин, параглајдерист.
Тој има отворена скршеница на едната нога и, како што наведува ЦУК, веројатна повреда на рбетот и се наоѓа на полетиштето за параглајдери пред Мечкин Камин во Крушево.
Поради сериозноста на повредите од екипата на итната медицинска помош и градоначалникот на Крушево е побаран итен хеликоптерски транспорт.
-Полицискиот Ми-171, во кој се наоѓам во моментот, итно го пренасочивме кон тешко повреденото лице и моментално сме во непосредна близина на Крушево, информира ЦУК.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Истрага за две разбојништва во Скопје: тетовец со закани со скалпер се заканувал кон вработените и крадел пари од обложувачници
Јавен обвинител од Основното јавно обвинителство Скопје донесе Наредба за спроведување истражна постапка против 25-годишник од тетовско Боговиње поради сомнение дека сторил две кривични дела – Разбојништво согласно член 237 став 4 во врска со став 1 од Кривичниот законик.
На 12 септември влегол во обложувалница на улицата “Никола Тримпаре” и со опасно орудие – скалпер се заканил по животот на една вработена и одзел 211.680 денари од сефот и касата.
На 14 септември, на сличен начин, од обложувалница во трговскиот центар “Лептокарија”, заканувајќи се со скалперот на еден вработен, одзел 80.250 денари.
Бидејќи постои опасност од бегство, можност да ја попречува постапката и да го повтори делото, јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.
Црна хроника
Кучиња скитници искасаа жители во Скопје
Вчера во 18.45 часот во Полициска станица Аеродром, А.Љ.(43) од Скопје, пријавил дека на бул.„Трета Македонска Бригада“ во Скопје бил каснат од куче скитник.
Истиот ден во 12.35 часот во Полициска станица Гази Баба, С.С.(40) од Скопје пријавил дека на ул.„Методија Андонов Ченто“ во Скопје бил каснат од куче скитник.
Синоќа околу 21.00 часот во Полициска одделение Петровец, С.П.(44) од с.Петровец, скопско пријавила дека во с.Катланово била касната од куче скитник.
Црна хроника
Малолетник споделил експлицитни фотографии од неговата малолетна девојка на интернет, во ПС Драчево бил извршен службен разговор
Вчера во Полициската станица Драчево бил извршен службен разговор со малолетник од скопско, постапувајќи по претходна пријава дека на социјална мрежа споделил фотографии со експлицитна содржина од неговата малолетна девојка, извести МВР.
По целосно документирање на случајот ќе следува соодветна пријава.