Црна хроника
Во Скопје 32 сообраќајни незгоди и 23 повредени
Во текот на изминатите три дена на подрачјето на Скопје се случиле 32 сообраќајни незгоди, од кои една со тешки телесни повреди, 17 со телесни повреди и 14 со материјална штета.
При сообраќајните незгоди едно лице добило тешки телесни повреди и 22 лесни телесни повреди. Потоа, 65 возачи се санкционирани бидејќи се движеле со поголема брзина од дозволената. Шест возачи се санкционирани бидејќи поминале крстосница на црвено светло.
Од сообраќај се исклучени и 95 возачи: 45 го управувале возилото пред да стекнат право за управување моторно возило, десетмина биле возачи почетници и 40 поради тоа што возеле под дејство на алкохол.
Исто така, од сообраќај се исклучени и 46 возила, 42 биле нерегистрирани, едно технички неисправно и три возила поради претовареност. Санкционирани се и двајца пешаци што поминале коловоз надвор од пешачки премин. Во текот на изминатите денови издадени се 249 мандатни платни налози, а исто така 123 возила се подигнати со специјално возило „пајак“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.