Црна хроника
Двајца браќа на чело на криминална група – организирале шверц на 150 мигранти на кои им наплаќале до 700 евра
Во текот на денешниот ден, со цел сузбивање на организирана криминална група инволвирана во организирање и криумчарење мигранти, под раководство на јавен обвинител од Основното јавно обвинителство за гонење на организиран криминал и корупција, Одделот за сузбивање на организиран и сериозен криминал во соработка со Одделот за специјални и посебни операции, СВР Струмица и регионалните центри за гранични работи „Југ“ и „Исток“ спроведе координирана полициска операција под кодно име „Реприза“, соопшти Обвинителството.
Во раните утрински часови се извршени претреси кај пет лица, во вкупно шест објекти лоцирани на подрачјата на Гевгелија, Струмица и Неготино, при тоа четири лица се приведени, едно лице е недостапно за органите на прогонот, а едно лице се наоѓа во притвор за криумчарење на мигранти во друг случај. Акцијата е резултат на десетмесечна криминалистичка истрага над организирана шестчлена криминална група, која подолг временски период делува на тeриторија на Република Северна Македонија криумчарејќи мигранти кои остваруваат нелегален влез преку грчко-македонската граница.
Организаторите на криминалната група се двајца браќа кои со умисла и од користољубие заедно со засега непознати лица од Кумановско-липковскиот Регион и од Грција, организирале криминална група во земјава. Во временскиот период од декември 2019 година до денес, осомничените организирале криумчарење на околу 150 мигранти по потекло од Авганистан, Пакистан, Ирак и други земји од Блискиот и Далечниот Исток, за паричен надомест од 500 до 700 евра по лице, при што се стекнале со значителна противправна имотна корист.
Осомничените по претходно договорен начин на комуникација и во договор со лица организатори од Грција преку илегални премини во околината на Гевгелија, Струмица и Дојран ги пренесувале мигрантите преку грчко-македонската граница. Потоа со помош на водичи т.н. „качаци“, ги носеле до претходно утврдени и договорени локации, од каде илегалните мигранти биле прифатени од страна на членовите на групата и со моторни возила биле превезувани до договорени локации во Кумановско-липковскиот Регион. Оттаму, во организација на лице кое нелегално престојува во Кумановско-липковскиот Регион, мигрантите биле времено сместувани и засолнувани во објекти на членови, соработници и помагачи на криминалната група, а потоа криумчарени преку територијата на Србија кон државите на ЕУ.
Постапувајќи по кривичната пријава, надлежниот обвинител од Основното јавно обвинителство за гонење организиран криминал и корупција донесе наредба за спроведување истражна постапка против шест лица на возраст од 21 до 28 години. Двајцата браќа како организатори на групата се осомничени дека сториле кривично дело организирање на група и поттикнување на извршување на делата трговија со луѓе, трговија со дете и криумчарење на мигранти по член 418-в став 1 и кривично дело криумчарење на мигранти по член 418-б став 3 вв став 2 и став 4 од Кривичниот законик, додека останатите четири лица се осомничени дека како припадници на групата криумчареле мигранти.
Осомничените ќе бидат изведени пред судија на претходна постапка при Основниот кривичен суд – Скопје во законски предвидениот рок. Надлежниот обвинител до судијата на претходна постапка ќе достави предлог за определување на мерка притвор за сите осомничени лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен скопјанец по напад во казино и семејно насилство
Вчера околу 21:40 часот, полицијата го приведе 35-годишниот Т.Ј. од Скопје, на подрачјето на општина Аеродром.
Приведувањето следело по претходна пријава дека околу 21:30 часот, во и пред казино, заедно со уште едно лице физички го нападнал 53-годишниот Д.М. од Струмица, со престој во Скопје. По нападот, Т.Ј. се однесувал агресивно и кон полициските службеници кои извршувале службени дејствија.
Дополнително, неговата 29-годишна сопруга пријавила дека тој физички ја нападнал и во семејниот дом. По целосно документирање на случајот, против него ќе биде поднесен соодветен поднесок.
Црна хроника
Приведен велешанец поради напад во здравствена установа – ја заклучил во канцеларија, кршел, се заканувал
На 27 октомври 2025 година, околу 15:30 часот, полициски службеници од СВР Велес го приведоа 31-годишниот М.П. од овој град, по претходна пријава од 55-годишна велешанка.
Според пријавата, на своето работно место во здравствена установа во Велес, осомничениот ја заклучил жената во една од просториите, кршел предмети, физички ја нападнал, ѝ се заканувал со остар предмет, па ја испрскал во очите со средство за чистење.
Тој е задржан во полициска станица, а за случајот е известен јавен обвинител. По целосно документирање на настанот, против него ќе биде поднесена соодветна пријава.
Црна хроника
91-годишна жена тешко повредена во сообраќаја несреќа
Во полицијата е пријавено дека на магистралниот пат Кичево-Гостивар, патничко возило „фиат“ со скопски регистарски ознаки, управувано од Д.С.(63) од Скопје, излетало надвор од коловозот.
Во несреќата со тешки телесни повреди се здобила неговата сопатничка Д.С.(91) од Скопје, констатирани во Медицинскиот центар во Гостивар.
Извршен бил увид.

