Црна хроника
Двајца пешаци повредени во сообраќајни несреќи во Скопје
Двајца пешаци вчера биле повредени во сообраќајни несреќи во Скопје. Според МВР, првата несреќа се случила околу 9.20 часот на булеварот Александар Македонски кога „сеат алтеа“ со скопски регистарски таблички, управувана од М.А. (32) од Скопје, удрила во Н.Т. (39) од Скопје. Повреди добил пешакот и со возило бил пренесен во Ургентниот центар при комплексот клиники „Мајка Тереза“, каде што од страна на лекар му биле констатирани тешки телесни повреди. Од страна на екипа од Секторот за внатрешни работи Скопје бил извршен увид и се работи на целосно расчистување на случајот.
Втората несреќа се случила во 14.30 часот на улицата Васил Ѓоргов, каде што Р.В. (69) од Скопје, управувајќи „сеат ибица“ со скопски регистарски ознаки, удрил во пешакот М.Е. (61) од Скопје. Со возило на итната медицинска помош повредената била пренесена во комплексот клиники „Мајка Тереза“, каде што ѝ биле констатирани тешки телесни повреди и е задржана за понатамошно лекување. Од страна на екипа од Секторот за внатрешни работи Скопје бил извршен увид и се работи на целосно расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
„Цитроен“ удри во електричен тротинет, тешко повреден малолетник од Прилепско
Вчера во 11.50 часот во Полициската станица Прилеп било пријавено дека во село Црнилиште, прилепско, патничко возило „цитроен“ со прилепски регистарски ознаки, управувано од 48-годишниот М.А. од село Црнилиште, удрило во електричен тротинет управуван од малолетник од село Црнилиште, прилепско, извести МВР.
„Во несреќата со тешки телесни повреди се здобил малолетникот, а неговиот малолетен сопатник се здобил со телесни повреди констатирани во Општа болница Прилеп“, соопшти МВР.
Извршен бил увид од увидна екипа од ОВР Прилеп.
Црна хроника
Претрес во Кичево, пронајдена дрога, приведени двајца дилери
Вчера во 21.40 часот во Кичево, полициски службеници од Надворешната канцеларија за криминалистички работи Кичево и Полициската станица Кичево ги лишиле од слобода 32-годишниот Б.Д. и 25-годишниот А.Д., двајцата од Кичево, извести МВР.
„При претрес во нивниот дом, извршен со судска наредба, биле пронајдени и одземени марихуана и грутчеста материја“, соопшти МВР.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.