Црна хроника
Двајца струмичани осомничени за убиство во обид пред хотел во Стар Дојран

Гевгелиската полиција поднесе кривична пријава против двајца струмичани на возраст од 21 и 23 години поради сомнение за сторено кривично дело убиство во обид.
Покрај тоа, против петмина струмичани на возраст од 19 до 24 години поднесени се пријави за помагање во врска со стореното кривично дело убиство во обид.
Како што информираат од МВР, на 1 мај годинава околу 2.30 часот по полноќ, во Стар Дојран, во близина на хотел, поради преходна расправија и физичка пресметка помеѓу двајца од осомничените, од една страна, и трето лице и уште двајца вработени во хотелот, од друга, 23-годишникот, кој се товари за убиство во обид, поттикнат од другите пријавени, со нож што му го дал брат му, му нанел убодни рани на лицето што било на страната на вработените во хотелот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Украл отклучен автомобил па ограбил и угостителски објект

Основното јавно обвинителство Скопје поведе постапка против едно лице за кое постои основано сомнение дека сторил кривични дела – Одземање моторно возило по член 242 став 1, како и – Тешка кражба по член 236 став 1 точка 1 од Кривичниот законик.
Осомничениот, на 3 јули, од паркинг просторот на ПОЦ во непосредна близина на Зелен пазар на улицата „11-ти Октомври“ во Скопје, одзел туѓо моторно возило марка “Фолксваген голф 3”. Тој го искористил фактот дека автомобилот бил оставен отклучен и со клучеви во бравата за стартување, па без да биде забележан влегол во возилото, го стартувал и го одзел.
Ноќеска, пак, во угостителски објект на Кеј, во непосредна блзиина на Младинскиот културен центар, осомничениот со тврд погоден предмет и физичка сила го отворил прозорецот од кујната од каде влегол во објектот. Извршил претурање и одзел една внатрешна единица за клима уред, звучник, повеќе алкохолни пијалоци, храна и други предмети, стекнувајќи се со противправна имотна корист од околу 65.000 денари, а со провалувањето причинил и материјална штета околу 6.000 денари.
Бидејќи недвосмислено постојат околности кои што укажуваат на опасност од бегство на осомничениот, јавниот обвинител до судијата на претходна постапка достави предлог за определување мерка притвор.
Црна хроника
Дилери од Кавадарци со возило бегале од полицијата, дрогата ја фрлиле преку прозорец

Полицијата поднесе кривична пријава за двајца кавадарчани, набавиле амфетамин во Скопје за да го продаваат во Кавадарци.
Според информациите на МВР, поднесена е кривична пријава против С.С.(39) и Т.А.(38), двајцата од Кавадарци, поради постоење основи за сомнение за сторено кривично дело – „неовластено производство и пуштање во промет на наркотични дроги, психотропни супстанци и прекурсори“.
Според документираните сознанија, пријавените на 03.06. годинава од непознато лице во Скопје набавиле 185,4 грама „амфетамин“, наменета за продажба. При транспорт, со патничко моторно возило „Форд“, со кавадаречки регистарски таблички, управувано од Т.А. (а С.С. бил сопатник) на подрачјето на општина Росоман, биле сопрени од полициски службеници кои што дале знак за запирање на патничко возило.
Меѓутоа тие не застанале, а С.С. ја фрлил од возилото наркотичната дрога. Меѓутоа набргу биле запрени и при преглед, кај С.С. била пронајдена 1.18 грама опојна дрога „амфетамин”.
По преземени оперативни мерки и активности фрлената дрога е пронајдена и одземена.
Црна хроника
Стружанец повреден со нож по расправија, полицијата трага по напаѓачот

Вчера, околу 17 часот, во станицата на полицијата во Струга било пријавено дека во близина на струшкото село Враништа дошло до вербална расправија помеѓу две лица, по што едно од нив нападнало со нож 51-годишен маж од селото Лабуништа.
Нападнатиот С.Г. се здобил со повреди по телото, а напаѓачот е во бегство.
Полицијата презема мерки за пронаоѓање на сторителот и целосно расчистување на случајот, по што ќе биде поднесена соодветна пријава.