Црна хроника
Две лица нападнале полицајци, приведени се

Две лица во изминатите 24 часа, нападнале полициски службеници кои извршувале службени дејствија.
Првиот напад се случил синоќа околу 19.45 часот.
„На магистралниот пат Куманово – Крива Паланка, во селото Псача, општина Ранковце, полициски службеници од Полициската станица Крива Паланка го лишиле од слобода Ш.Н.(31) од селото Мојанци, општина Арачиново, затоа што физички нападнал полициски службеници кои извршувале службени дејствија“, велат од МВР.
Неколку часа подоцна, односно во 2.30 часот по полноќ, приведен бил и кавадарчанец.
„На улицата Шишка во Кавадарци, полициски службеници од ОВР Кавадарци го лишиле од слобода Ѓ.Ј.(22) од Кавадарци затоа што физички нападнал полициски службеници кои извршувале службени дејствија“, објави МВР.
По целосно документирање на случајот против двајцата ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Млад возач удри пешак во Скопје, во болница е со тешки повреди

На улицата Благоја Стефковски во Скопје, синоќа околу 21 часот се случи сообраќајна несреќа, пришто прегазен е 54-годишен пешак.
Според информацијата од МВР, во пешакот удрил автомобил, управуван од Б.И.(24) од селото Грчец, скопско.
Пешакот е тешко повреден и пренесен во Градската болница „8 Септември“.
Извршен е увид на местото на несреќата.
Црна хроника
Браќа нападнати од група во Гази Баба, оштетен и семејниот автомобил на момчињата

Мајка пријавила дека вчера околу 18.00 часот на подрачјето на Гази Баба, нејзините синови на возраст од 22 и 16 години биле физички нападнати од неколку лица.
Тие употребиле и метален предмет со кој го оштетиле нивното возило.
Се преземаат мерки за расчистување на случајот.
Црна хроника
Скопјанка нападната од сопругот со кој се разведува

Четириесет и двегодишна скопјанка од Драчево синоќа била нападната од нејзиниот сопруг во семејниот дом.
Од МВР велат дека двојката е во бракораводна постапка.
Се преземаат мерки за расчистување на случајот.