Црна хроника
Директорка на скопска градинка сама си го продолжила мандатот за четири години
Единицата за економски и компјутерски криминал поднесе кривична пријава до надлежното Основно јавно обвинителство во Скопје против 65-годишна скопјанка, поради сомнение за сторено кривично дело злоупотреба на службена положба и овластување.
Како што информираат од МВР, пријавената, во својство на директор на детската градинка „Мајски цвет“ во општина Карпош, чиј мандат истекувал на 16 јануари 2014 година, со цел да си овозможи продолжување на извршувањето на функцијата, на 11 декември 2013, самоволно и без основ, извршила сторнирање на претходно објавениот оглас за избор на нов директор на установата, преку доставување на писмени барања, потпишани од неа, до дневните весници каде што претходно бил објавен огласот.
На тој начин, продолжувајќи со извршување на директорската функција, таа си овозможила остварување повисоки примања во периодот од 16 јануари 2014 до 7 август 2018.
Во наведениот период директорката се стекнала со противправна имотна корист од 990.977 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Директорка на „Завод и музеј“ Битола незаконски си се унапредила на работното место
СВР Битола поднесе кривична пријава против М.С.(53) од Битола поради постоење основи на сомнение за сторенo кривичнo делo „несовесно работење во службата“, соопшти МВР.
Пријавената, во својство на директор на Национална установа „Завод и музеј“ Битола, спротивно на одредбите од Законот за вработени во јавен сектор и Законот за работни односи, несовесно постапила во вршењето на своите овластувања и должности на тој начин што извршила промена на Актот за систематизација на работните места, со што го укинала нејзиното работно место виш кустос и за себе отворила ново работно место кустос советник, кое што е едно ниво повисоко од претходното.
Црна хроника
Сопственик на фирма во Скопје затаил данок од 30 милиони денари
СВР Скопје поднесе кривична пријава против М.С.(40) од Делчево, сопственик и управител на правно лице од Скопје, поради постоење основи на сомнение за сторени кривични дела „даночно затајување“ и „оштетување или повластување на доверители“ и против правното лице поради постоење основи на сомнение за сторено кривично дело „даночно затајување“, соопшти МВР.
Првопријавениот М.С. постапил спротивно на Законот за данок на додадена вредност на тој начин што во даночните пријави за контролираниот даночен период, преку правното лице пресметал и искажал помал даночен долг кој произлегол од неевидентиран остварен промет од продажба на основни средства и од продажба на залихи на материјали.
Со наведените дејствија пријавените успеале да се стекнат со противправна имотна корист во вкупен износ од 31.433.522 денари, за кој износ го оштетиле државниот буџет.
Црна хроника
Украл пари и нападнал вработена во казино во Охрид
Едно лице е осомничено дека украло пари и нападнало вработена во казино во Охрид.
Според информациите од полицијата, вчера во 07.25 часот, во СВР Охрид е пријавено дека во казино лоцирано на булеварот „Туристичка“ во Охрид, едно лице одзело пари и физички нападнал вработена во казиното.
Се преземаат мерки за негово пронаоѓање по што, против сторителот ќе биде поднесека соодветна пријава.

