Црна хроника
Истрага против градоначалник на општина и четири други лица
![](https://makfax.com.mk/wp-content/uploads/2017/12/biznis-statistika.png)
Основното јавно обвинителство за гонење организиран криминал и корупција, донесе наредба за истрага против пет лица.
Првоосомничениот меѓу нив, градоначалник на општина и третоосомничениот, надзорен орган во општината, како соизвршители сториле продолжено кривично дело злоупотреба на службена положба и овластување при јавни набавки, а второосомничениот, како вистински сопственик на две правни лица и брат на првоосомничениот, сторил две продолжени кривични дела – поттикнување и перење пари и други приноси од казниво дело.
На четвртоосомничениот – сопственик и управител на сега избришано правно лице и овластен потписник на банкарските сметки на друг сега избришан правен субјект му се става на товар дека сторил продолжено кривично дело помагање во врска со кривично дело перење пари додека петтоосомничениот – управител на правното лице чиј сопственик е второосомничениот, сторил злоупотреба на постапката за јавен повик, доделување на договор за јавнa набавкa или јавно-приватно партнерство.
Во шестгодишен временски период, од 2012 година до 2018 година, поттикнати од второосомичениот, прво и трето осомничените ја злоупотребиле својата службена положба и прибавиле корист за друг со што нанеле штета на општинскиот буџет, додека четвртоосомничениот, издавајќи фактури со невистинита содржина кон правното лице на второосомничениот кои не ги евидентирал во својата сметководствена евиденција, му помогнал да изврши кривично дело перење пари и други приноси од казниво дело.
Петтоосомничениот со поднесување на документација со невистинита содржина свесно ги повредил прописите за постапка за доделување на договор за јавна набавка и на тој начин остварил за друг имотна корист од поголеми размери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Му се заканувале и му барале 80 илјади евра, па му го запалиле возилото: полицијата го расчистува случајот
![](https://makfax.com.mk/wp-content/uploads/2023/08/opozareno-vozilo2.jpg)
Денеска во 01.15 часот во СВР Скопје, 33-годишен маж од Скопје пријавил дека претходниот ден од телефонски број на лице кое го познавал му биле испраќани пораки со заканувачка содржина и му биле барани 80.000 евра, извести МВР.
„Подоцна во 00.40 часот на 21.06.2024 негов сосед го известил дека било опожарено неговото возило „форд фиеста“ со скопски регистарски ознаки, кое било паркирано пред неговата куќа“, соопшти МВР.
Пожарот бил изгаснат,а повредени лица нема. Се преземаат мерки за расчистување на случајот.
Црна хроника
Малолетник нападнат во училишен двор во Карпош
![](https://makfax.com.mk/wp-content/uploads/2022/04/tepacka-gostivar.jpg)
Денеска во 01.00 часот во СВР Скопје, 45-годишната Ј.А. од Скопје пријавила дека на 20.06.2024 околу 21.30 часот во училишен двор на подрачјето на Карпош во Скопје, нејзиниот малолетен син бил физички нападнат од друг малолетеник, извести МВР.
Се преземаат мерки за расчистување на случајот.
Црна хроника
Сообраќајна несреќа во Струмица, тешко повредена малолетничка
![](https://makfax.com.mk/wp-content/uploads/2019/03/moped.jpg)
Вчера во 15.50 часот во Полициската станица Струмица било пријавено дека на булевар „Маршал Тито“ во Струмица се случила сообраќајна несреќа помеѓу мопед со струмички регистарски ознаки, управуван од С.В.(43) од Струмица и патничко возило „сеат“ со германски национални ознаки, управувано од Ѓ.С.(35) од село Мокриево, струмичко, извести МВР.
Во несреќата со тешки телесни повреди се здобила малолетна сопатничката на мопедот, а со телесни повреди се здобила С.В., констатирани во Медицински центар Струмица, соопшти МВР.
Увид на местото извршила екипа на Полициската станица Струмица.