Црна хроника
Катастрофален судир меѓу автомобили и трактор кај Валандово, осум повредени лица

Осум лица се повредени во тешка сообраќајна несреќа што се случи рано утрово во близина на селото Рабарово, Валандовско, при судир на два автомобила и трактор.
Синоќа, во 4.10 часот, во СВР Струмица било пријавено дека на регионалниот пат во близина на селото Раброво, Валандовско, се случила сообраќајна несреќа помеѓу патничко возило „фолксваген голф“, управувано од И. К. (61) од Струмица, патничко возило „ситроен“, управувано од Г. А. (35) од Струмица, двете со струмички регистарски ознаки, и трактор ИМТ, со гевгелиски регистарски ознаки, управуван од Т. Ш. (74) од Валандово.
Во несреќата тешки телесни повреди добил возачот на тракторот, а возачот на возилото „ситроен“ и шест сопатници од истото возило, како и сопатникот од тракторот Д. Н. (56) добиле телесни повреди, констатирани во Медицинскиот центар Струмица и во Здравствениот дом Валандово.
Извршен бил увид од екипа на Полициската станица Валандово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кокаин најден во дом на скопјанец

Основното јавно обвинителство Скопје донесе наредба за спроведување на истражна постапка против 42-годишен скопјанец за кривични дела „неовластено производство и пуштање во промет наркотични дроги, психотропни супстанции и прекурсори“ и „овозможување употреба на наркотични дроги“.
Во станот во кој престојувал осомничениот на улицата „Матеја Матевски” во Скопје полицијата пронашла 14,2 грама амфетамин, околу 8 грама кокаин, помали количества марихуана и МДМА (3,4 метилен диоксиметамфетамин). При претресот во домот било затекнато уште едно лице на кое осомничениот му овозможил да користи кокаин.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.
Црна хроника
75-годишен мотоциклист тешко повреден во сообраќајка

Вчера околу 10:30 часот во СВР Скопје, било пријавено дека на автопатот Скопје- Куманово, се случила сообраќајна несреќа помеѓу мотоцикл „линфан“ со скопски регистарски ознаки, управуван од П.Д.(75) од Скопје, мотоцикл „хонда“ со скопски регистарски ознаки, управуван од Х.К.(27) од Скопје и мотоцикл „хонда“ со скопски регистарски ознаки, управуван од Б.Р.(37).
Во несреќата со тешки телесни повреди се здобил возачот на мотоциклот „линфан“ П.Д., додека со телесни повреди сопатничката од мотоциклот „хонда“ С.П., констатирани во Комплекс клиники „Мајка Тереза“ Скопје. Извршен бил увид од увидна екипа на СВР Скопје.
Црна хроника
Мотоциклист тешко повреден откако излетал од патот

Вчера во 11:20 часот во ОВР Кратово било пријавено дека на регионален пат во село Железница, кратовско, Б.Д.(24) од Скопје управувајќи мотоцикл „кимко” со скопски регистарски ознаки, изгубил контрола и паднал на коловозот.
Во несреќата, Б.Д. се здобил со тешки телесни повреди, констатирани во комплекс клиники “Мајка Тереза” во Скопје. Увид извршила екипа од ОВР Кратово.