Црна хроника
Косовски автомобил падна во Лепенец, се трага по тројца патници

Автомобил „БМВ“ со косовски таблички попладнево паднал во реката Лепенец во близина на селото Орман, скопско, откако претходно се судрил со друг автомобил, соопшти Министерството за внатрешни работи.
„Еден човек е спасен, додека по тројца негови сопатници сѐ уште се трага“, велат од МВР.
„Денес околу 15 часот е пријавено дека на патот Скопје-ГП ‘Блаце’ се случила сообраќајна несреќа во која учествувале автомобил ‘фолксваген’ со скопски регистарски таблички, управуван од Б.Б. од Скопје и автомобил ‘БМВ’ со косовски регистарски таблички, управуван од Н.П. од Косово, кое по несреќата паднало во реката Лепенец. Во ‘БМВ’-то, покрај возачот, имало и тројца сопатници. Едно лице е извадено од реката и пренесено во ГОБ ‘8 Септември’, а по останатите тројца се трага, додаваат од полицијата“, соопшти МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Сообраќајна несреќа во Прилеп, тешко повреден 16-годишник

Вчера во 15.37 часот во Полициската станица Прилеп е пријавено дека на крстосницата од улицата „Јане Сандански“ со улицата „Стеван Димоски“ во Прилеп се случила сообраќајна несреќа помеѓу мопед „хамачи“ со прилепски регистарски ознаки, управуван од 16-годишник од Прилеп и патничко возило „шкода октавија“ со прилепски регистарски ознаки, управувано од 34-годишната С.М. од Прилеп.
Во несреќата со тешки телесни повреди се здобил малолетникот, констатирани во Градската болница Прилеп.
Извршен бил увид од увидна екипа од ОВР Прилеп.
Црна хроника
Рачна бомба од германско производство од Втората светска војна пронајдена во село Дихово

Вчера во 15.15 часот во СВР Битола е пријавено дека во атар на село Дихово, битолско, била пронајдена граната.
Од пиротеничар од Дирекцијата за заштита и спасување гранатата била безбедно подигната и било констатирано дека се работи за рачна бомба од германско производство од Втората светска војна.
Црна хроника
25-годишник од Битола со возило излетал од патот, со тешки повреди се здобил сопатникот

Вчера во 18.05 часот во СВР Битола е пријавено дека на магистрален пат Битола – Прилеп, во близина на надвозникот со село Долно Српци, општина Могила, патничко возило „пежо“ со битолски регистарски ознаки, управувано од 25-годишниот Д.К. од Битола, излетало надвор од коловозот.
Во несреќата со тешки телесни повреди се здобил сопатникот В.К.(61) од Битола, констатирани во Клиничка болница Битола.
Извршен бил увид од увидна екипа од СВР Битола.