Црна хроника
Кривична за скопски разбојник кој за една недела украл три автомобили
Триесет и петгодишен скопјанец доби кривична пријава порди тоа што органите на прогонот го товарат за сторени три кривични дела „одземање моторно возило“, со што тој се стекнал со противправна имотна корист од околу 580.000 денари. Станува збор за Н.К. кој за полицијата е познат сторител на имотни деликти за што, во периодот 1997 до 2014 година, му биле поднесени вкупно 166 кривични пријави по однос на овој вид криминал.
Како што информираат од МВР, пријавениот Н.К., првото кривично дело го извршил на 16-ти месецов на паркинг просторот пред седиштето на Царинската управа, на скопската улица Лазар Личеноски. Тој влегол во незаклучен автомобил „фолксваген поло“, ги пронашол клучевите, го стартувал возилото и заминал во непознат правец. Одземениот автомобил бил пронајден четири дена подоцна од страна на полициски службеници и бил вратен на сопственикот.
Втората кражба на автомобил скопјанецот ја извршил на 20-ти месецов на булеварот Партизански Одреди. Тој го искористил невниманието на сопственикот, кој застанал со автомобил „мерцедес“ пред аптека, па го оставил возилото со клуч во бравата за накратко да влезе во аптеката. Рабојникот веднаш влегол во автомобилот, го стартувал и заминал во непознат правец. Истиот ден, од страна на полицајци, возилото било лоцирано на улица Јужен Булевар каде било оставено без регистарски ознаки. За кратко време Н.К. се вратил да го земе возилото, по што бил лишен од слобода и однесен во просториите на полициската станица Центар. Со него бил извршен разговор во којшто го признал делото.
Третата кражба ја извршил два дена подоцна, односно на 22-ри овој месец, на улица Филип Втори Македонски. Слично како при втората кражба, разбојникот го искористил невниманието на сопственикот кој застанал со автомобил „фолксваген голф“ пред аптека, оставајќи го возилото со контакт клуч во бравата, по што влегол во аптеката. Пријавениот веднаш влегол во возилото, го стартувал со клучот и заминал во непознат правец. Наредниот ден околу три часот по полноќ, од страна на полициски службеници, пријавениот бил затекнат како го управува украдениот автомобил, по што бил лишен од слобода и бил приведен во Полициската станица Центар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.