Црна хроника
Кривична против началничка во Одделот за дисциплински и судски постапки за несовесно работење во службата

Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство Скопје поднесе кривична пријава против Н. Ј., началник на одделение во Одделот за дисциплински и судски постапки, поради постоење на основи на сомнение за сторено кривично дело несовесно работење во службата по член 353-в став 1 од Кривичниот законик.
„Пријавената, како овластено службено лице, несовесно постапила во вршење на своите овластувања на тој начин што не постапила по правосилна пресуда со која на работник требало да му престане работниот однос во Министерството за внатрешни работи, односно пресудата не ја доставила до надлежните служби во Министерството за да биде донесено решение со кое на работникот ќе му биде откажан договорот за работа. Пресудата на Апелациониот суд Скопје, со која се потврдува пресудата на Основниот граѓански суд Скопје, со која е одбиено тужбеното барање на вработената, во Министерството за внатрешни работи е примена на 8.3.2022, а на постапување до стручните служби на Министерството е доставена на 27.2.2024“, велат од МВР.
Поради потешко кршење на работниот ред и дисциплината, Одделот за внатрешна контрола, криминалистички истраги и професионални стандарди против Н. Ј. поднесе предлог за поведување постапка за утврдување дисциплинска одговорност и изрече задолжителна мерка за отстранување од работното место до донесување решение во дисциплинската постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен кумановец, насилно влегувал во цркви и крадел пари

Вчера во 14:45 часот во Куманово, полициски службеници од СВР Куманово го лишиле од слобода 28-годишниот Н.А. од Куманово.
Тој се сомничи дека на 24.08.2025 со употреба на сила влегол во црквата „Св. Троица“ во село Љубодраг, кумановско и одзел пари, додека на 28.08.2025 од црквата „Св. Петка“ во населбата Бедиње во Куманово, со употреба на сила се обидел да одземе пари од касата.
Н.А. бил приведен во полициска станица и во службен разговор ги признал делата.
Одземеното било пронајдено и вратено на сопственикот и по целосно документирање на случајот, против него ќе биде поднесена соодветна пријава.
Црна хроника
Скопската полиција синоќа констатираше 128 сообраќајни прекршоци, 94 возачи на мотоцикл, уапсено едно лице, пронајден кокаин

Во текот на изминатата вечер во периодот од 17.00 до 01.00 часот од страна на Одделението за безбедност на патниот сообраќај при СВР Скопје беше спроведена засилена акциска контрола по Оперативната акција „Безбеден сообраќај“. При тоа за време на контролата акцентот беше ставен на учесниците во сообраќајот кои управуваат мотоцикли, велат од МВР.
„За време на контролата биле преземени мерки против 128 учесници во сообраќајот, од кои 94 за возачи на мотоцикли, 16 санкции за управување мотоцикл без возачка дозвола, 46 мерки за управување мотоцикли без заштитна кацига, 17 санкции за возење без положен испит за познавање на сообраќајните правила и прописи, шест мерки за управување мотоцикл без да поседува соодветна категорија, пет санкции за измината важност на сообраќајната дозвола, две мерки за непропуштање на пешаци на пешачи премин…
За време на сообраќајната контрола по Оперативната акција „Безбеден сообраќај“, полициски службеници го лишиле од слобода Д.Љ. бидејќи при извршен преглед кај него бил пронајден кокаин. Санкционирани се и 10 возачи за возење без возачка дозвола на патнички и товарни моторни возила, а изречени се и две мерки за возење под дејство на алкохол и една санкција за незастанување на даден знак СТОП од страна на униформирани полициски службеници.
Акциските контроли во рамки на оперативната акција ќе продолжат и во наредниот период со засилен интензитет. Апелираме до сите учесници во сообраќајот да ги почитуваат сообраќајните правила и прописи и со тоа да придонесеме за побезбедни патишта“, соопштуваат од МВР.
Црна хроника
Со мопед удрил во 13-годишен пешак и побегнал

Синоќа околу 21:10 часот во СВР Куманово, е пријавено дека на регионалниот пат с.Лојане-Граничен премин Миратовац, кај с.Лојане, општина Липково, мопед удрил во 13-годишник од с.Лојане, општина Липково по што возачот со мопедот го напуштил местото на настанот.
Во несреќата со тешки телесни повреди се здобил малолетникот, констатирани во Општата болница Куманово.
Извршен бил увид од увидна екипа од СВР Куманово и се преземаат мерки за пронаоѓање на возачот на мопедот.