Црна хроника
Кривична против ресенец и скопјанец за недозволена трговија со културни добра
Единицата за сериозен криминал и кривични дела против културното наследство при Одделот за сузбивање организиран и сериозен криминал, денеска (27.3.2023) до Основно јавно обвинителство Битола поднесе кривична пријава против Г. А. (43) од Ресен за сторени кривични дела присвојување добра под привремена заштита или културно наследство или природни реткости (чл. 265), оштетување или уништување добра под привремена заштита или културно наследство или природни реткости (чл. 264 ст. 2) и прикривање (чл. 261 ст. 3 в. в. со ст. 1 и 2) и против С. М. (35) од Ресен со престој во Скопје за сторено кривично дело прикривање (чл. 261 ст. 3 в. в. со ст. 1 и 2) од Кривичниот законик.
Во периодот од август до декември 2022 година, Г. А., искористувајќи го намалувањето на водостојот на Преспанското Езеро, на археолошко наоѓалиште на плажа во с. Долно Перово, во повеќе наврати со рачен алат и метал-детектори на нелегален начин и без дозвола од надлежен орган вршел ископување археолошки предмети и монети за кои бил свесен дека е можно да претставуваат културно наследство. Потоа археолошките предмети ги пренесувал во својот дом и дополнително вршел нестручни конзерваторско-реставраторски процеси врз нелегално пронајдените и присвоените археолошки предмети и монети, а со цел да им ги понуди на потенцијални купувачи користејќи ја социјалната мрежа „Фејсбук“.
Во август 2022 година С. М. во с. Долно Перово остварил средба со Г. А., во чиј двор ги видел археолошките предмети и иако бил свесен дека постои можност предметите да претставуваат културно наследство, одбрал два предмета и ги однел во својот дом.
Врз основа на издадена наредба од судија на претходна постапка при Основниот суд Битола, на 1.12.2022 година извршен е претрес на домот и други простории кај Г. А., при што привремено се одземени многубројни предмети во разни форми и големини, монети и други предмети поврзани со кривичното дело. При извршен службен разговор со него тој ги појаснил околностите под кои дошол во сопственост на археолошките предмети и монети и посочил дека некои од нелегално пронајдените и присвоени предмети му ги дал на С.М..
Истиот ден во Полициската станица Центар во Скопје бил повикан С. ., кој ги донел двата предмета и во извршен разговор го појаснил начинот на кој се стекнал со нив.
Од страна на ОЈО Битола издадена е наредба за вршење вештачење и стручна идентификација на одземените археолошки предмети, при што таа е доставена во НУ Археолошки музеј на Република Северна Македонија и од нивна страна изготвен е извештај од стручно мислење дека предметите: три керамички сада, шест прстени, мамуза, камен точило, шест стрели, 10 ножа, два крста, 46 нитни, 34 брута, 21 алка, две копчиња, 11 токи за појас, три токи за чевли и 111 разни метални предмети претставуваат културно наследство, а од страна на вешто лице извршена е стручна идентификација на нумизматичкиот материјал, при што констатирано е дека седум монети претставуваат културно наследство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.