Црна хроника
Кривична против 36-годишник од Чегране и неговата фирма за „загадување на животната средина и природа“
СВР Тетово поднесе кривична пријава против правно лице од село Чегране и 36-годишниот В.С. од село Чегране, управител и сопственик на правното лице, поради постоење основи на сомнение за сторено кривично дело „загадување на животната средина и природа“, извести МВР.
– На 23.08.2023 во атар на општина Брвеница, пријавените вршеле складирање и преработка на комунален отпад и непридржувајќи се кон прописите за заштита на животната средина со настанат пожар од поголеми размери извршиле загадување на воздухот, водата, почвата и предизвикале опасност за животот и здравјето на луѓето и уништување на животинскиот и растителниот свет, соопшти МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се запали автомобил во двор во охридското село Лакочереј
Вчера во 13.26 часот во СВР Охрид било пријавено дека во двор во село Лакочереј, Охридско, настанал пожар во патничко возило „опел“ со охридски регистарски ознаки, сопственост на Л.С. од Охрид.
Екипа од Територијалната противпожарна единица Охрид го изгаснала пожарот, а повредени лица нема. Увид бил извршен.
Црна хроника
Со автомобил тешко повредил жена во Прилеп и побегнал
Вчера во 18.50 часот во ОВР Прилеп било пријавено дека на ул.„11 Октомври” во Прилеп, патничко возило удрило во пешакот Ж.М.(56) од Прилеп, по што возачот го напуштил местото. Во несреќата со тешки телесни повреди се здобила Ж.М., констатирани во Градската болница Прилеп.
Увид на местото на несреќата извршила увидна екипа од ОВР Прилеп.
Црна хроника
Паднат и со повреди во подземна гаража во Скопје е најден маж од Велика Британија
Во подземна гаража на улица „Анастас Митрев“ бил пронајден паднат и со повреди Х.К.Р.(58) од Велика Британија.
Како што информира денеска МВР, случајот синоќа, во 21:35 часот, бил пријавен во СВР Скопје. Лицето било пренесено во Комплексот клиники „Мајка Тереза“ за укажување помош.
Полицијата презема мерки за расчистување на случајот.