Црна хроника
Кривични пријави за пустошење шуми и злоупотреба на службена положба
Одделението за внатрешни работи Кочани поднесе кривична пријава против Д.Т. од Кочани, референт во Шумско стопанство Осогово Кочани, поради сомнение за сторено кривично дело злоупотреба на службената положба и овластување, Б.Д. од Кочани, поранешен директор на Шумско стопанство „Осогово“ Кочани, поради сомнение за сторени кривични дела несовесно работење во службата и фалсификување и уништување деловни книги, Н.Е. од Кочани, референт во Шумско стопанство „Осогово“ Кочани, поради сомнение за сторени кривични дела несовесно работење во службата и фалсификување и уништување деловни книги и против правно лице од Кочани и В.Т. од Кочани, управител во правното лице сомнение за сторени кривични дела злоупотреба на постапката за јавен повик, доделување на договор за јавна набава или јавно – приватно партнерство и пустошење шума.
Како што информираат од МВР, вработените во Јавното претпријатие „Национални шуми“ – Подружница Шумско стопанство „Осогово“ Кочани, искористувајќи ги своите овластувања и постапувајќи несовесно во извршувањето на своите работни задачи, со пропуштање должен надзор во извршувањето на шумарски услуги и со фалсификување и уништување на деловни книги, му овозможиле на правното лице да ги злоупотреби доделените договори и да изврши пустошење на млада шума во државна сопственост прогласена за заштитен предел и да се стекне со противправна имотна корист во износ од 3.578.019 денари на штета на Јавното претпријатие „Национални шуми“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.