Црна хроника
Маж не успеал да извлече давеничка од Вардар
Скопската полиција на 1 април напладне добила пријава од маж што рекол дека во водите Вардар, под мостот кај Народната банка, забележал жена што се давела.
Според пријавеното, тој се обидел да ја извлече, но не успеал, по што повикал брза помош и полиција. Од екипа на Бригадата за противпожарна заштита телото на жената било извлечено од водата, но докторите констатирале смрт.
По извршениот преглед, било утврдено дека се работи за жена на возраст од 77 години. Телото на починатата, по наредба на јавен обвинител, било пренесено во Институтот за судска медицина за обдукција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Внук ја пронашол починатата баба во Кисела Вода, и’ се слошило и паднала
Жена на 77-годишна возраст била пронајдена почината во својот дом на подрачјето на скопската општина Кисела Вода, соопшти МВР.
Случајот на 24 октомври околу 12:50 часот во СВР Скопје го пријавил нејзиниот внук, И.С.Т., кој ја пронашол својата баба Д.С. во куќата. Според пријавеното, ѝ се слошило и паднала, по што лекар од Итна медицинска помош констатирал смрт.
Увид извршила екипа од СВР Скопје, а по наредба на јавен обвинител телото е предадено на обдукција за да се утврди причината за смртта.
Црна хроника
Млад скопјанец пријавен за обљуба врз малолетничка, делото го извршувал во повеќе наврати
Полицијата поднесе кривична пријава против 19-годишен жител на Скопје поради сомнение дека извршил обљуба врз малолетничка.
Како што информира МВР, делото било извршено во повеќе наврати, во периодот од октомври до декември 2024 година во Скопје.
Црна хроника
Работник нашол човечки коски кај студентскиот дом „Стив Наумов“ додека копал со багер
Работник од Пехчево пронашол коски кои наликувале на човечки при извршување ископ со багер во кругот на студентскиот дом „Стив Наумов“ во скопската општина Гази Баба.
Како што соопшти МВР, пријавата била поднесена во текот на вчерашниот ден од 39-годишниот Г.Ј. од Пехчево, кој ги извршувал работите во близина на старите гробишта.
По насоки на јавен обвинител, пронајдените коски се подигнати и предадени на вештачење за да се утврди нивното потекло.
Полицијата презема мерки за расчистување на случајот.
Фото: илустрација

