Црна хроника
Мајка ја држела 16-годишната ќерка заклучена во стан во Скопје, полицијата ја приведе

Четириесет и четиригодишна скопјанка е приведена поради запуштање и малтретирање својата 16-годишна ќерка.
Девојката била подолго време заклучувана во домот и не добивала соодветна нега од родителот, велат од полицијата.
„На малолетничката веднаш ѝ е пружена соодветна помош и е сместена во здравствена установа, каде што е згрижена, а по службена должност ќе ѝ биде определен старател“, соопшти МВР.
Мајката била приведена, а потоа пренесена во психијатриска установа „Бардовци“, каде е задржана до понатамошна постапка. Против неа ќе биде поднесена кривична пријава, а се преземаат и дополнителни мерки и активности.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Возило на АРМ исчезна од автосервис во Гази Баба

Возило во сопственост на АРМ, оставено на сервисирање во Гази Баба било украдено во текот на ноќта.
Случајот во МВР го пријавил сопственикот на автосервисот.
Се работи за товарно возило „ивеко дејли–фургон“, сопственост на македонската Армија. Украдени биле и регистарски таблички од патничко возило „мазда“ кое било оставено на сервис.
Од МВР велат дека се преземаат мерки за расчистување на случајот.
Црна хроника
14-годишно девојче нападнато од врснички во Аеродром

К.П.(41) од Скопје пријавила дека на 26 април во 20.00 часот на подрачјето на општина Аеродром, нејзината 14-годишна ќерка била физички нападната од две малолетнички, кои ги познавала.
Се преземаат мерки за расчистување на случајот.
Црна хроника
Скопјанец нападнат од сопругата во Аеродром, случајот пријавен во МВР

Тритесет и петгодишен маж од Скопје пријавил дека во саботата во семејниот дом на подрачјето на општина Аеродром, бил физички нападнат од неговата сопруга М.М.П.(36) од Скопје.
Се преземаат мерки за расчистување на случајот, велат од МВР.