Црна хроника
Полицаец ја уценувал и ја нападнал поранешната љубовница

Тетовчанка пријавија во полиција дека е уценувана и физички нападната од полицаец, со кој имала љубовна врска. Таа вчера во 15 часот во Полициската станица Тетово, пријавила дека била уценувана и физички нападната од полициски службеник во Полициското одделение Камењане, поради тоа што не сакала да ја продолжи врската со него.
Според пријавата, жената ја прекинала врската со полицаецот пред една година и оттогаш одбивала да се сретне со него. Пред една недела, додека била во угостителски објект, тој дошол и се заканил дека ќе ги објави нивните заеднички фотографии и видеа и дека ќе каже на нејзиниот татко и нејзииот сопруг дека му била љубовница.
Во текот на вчерашниот ден околу 12.50 часот, додека жената била на работа, дошол полицаецот и физички ја нападнал. За случајот веднаш е запознаен Одделот за внатрешна контрола, криминалистички истраги професионални стандарди во Министерството за внатрешни работи. Се преземаат мерки за расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Битолчанец и Британец жртви во сообраќајка на патот Битола – Прилеп, повреден е Индиец

На магистралниот пат Битола – Прилеп, денеска во 11.55 часот се случи сообраќајна несреќа меѓу патничко возило „дачиа” со скопски регистарски ознаки, управувано од Е.И.(37) од Битола, и товарно возило „ивеко” со битолски регистарски ознаки, управувано од Б.К.(29) од селото Обршани, Општина Кривогаштани.
Од СВР-Битола соопштија дека во несреќата, на местото на настанот почина возачот на патничкото возило Е.И. и сопатникот К.С.(42) од Велика Британија, а смртта ја констатираше доктор од Итна медицинска помош Битола.
Сопатникот во патничкото возило М.К.Д.Ј. од Индија е пренесен во Клиничка болница Битола за укажување на помош.
Увид во присуство на јавен обвинител врши увидната екипа на СВР Битола.
Црна хроника
Се запали „рено меган“, пожарот зафати и седум други возила во Кисела Вода

Денеска (10.03.2025) во 01.05 часот во СВР Скопје било пријавено дека на подрачјето на Кисела Вода во Скопје настанал пожар во патничко возило „рено меган“ со скопски регистарски ознаки, сопственост на Д.Р.(23) од Скопје.
Во пожарот делумно биле зафатени и други седум патнички возила: „сузуки“ сопственост на Х.С., „опел“ сопственост на правен субјект , „шевролет“ сопственост на Т.А., „шевролет“ сопственост на А.Ш., „фиат“ сопственост на правен субјект, „шкода“ сопственост на Ј.Ј. и „хјундаи“ сопственост на П.Ш., сите со скопски регистарски ознаки.
Од екипа на Бригадата за противпожарна заштита Скопје пожарот бил изгаснат. Увид бил извршен.
Црна хроника
Не им дозволувал на сопругата и двете малолетни деца да излезат од дома

СВР Тетово поднесе кривична пријава против Ф.А.(38) од гостиварско село поради постоење основи за сторено кривично дело „противправно лишување од слобода“.
Имено на 23.01.2025, пријавениот не им дозволувал на неговата сопруга со нивните две малолетни деца да излезат од семејниот дом.