Црна хроника
Прегазена жена во Штип, возачот избегал од местото на несреќата
![](https://makfax.com.mk/wp-content/uploads/2023/09/pregazen-peshak-kaj-most-Gotse-Delchev-1.jpg)
Вчера во 13.00 часот во СВР Штип било пријавено дека на улицата „Сутјеска“ во Штип, патничко возило „опел корса“ без регистарски ознаки удрило во пешакот 67-годишната Ц.К. од Штип, по што возачот со возилото го напуштило местото, извести МВР.
„Во несреќата со тешки телесни повреди се здобила Ц.К., констатирани во Клиничката болница Штип“, соопшти МВР.
Извршен бил увид од увидна екипа од СВР Штип и се преземаат мерки за расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Ограбен 72-годишен маж од Свети Николе: сторителот му украл лични документи, пари, мобилен телефон
![](https://makfax.com.mk/wp-content/uploads/2019/10/steal-phone.jpg)
Вчера во 18.30 часот во Свети Николе, полициски службеници од Надворешната канцеларија за криминалистички работи Свети Николе го лишиле од слобода Д.В.(32) од Свети Николе поради постоење основи на сомнение за сторено кривично дело „тешка кражба“ на дрзок начин.
Тој се сомничи дека на 07.09.2024 во 19.40 часот во Свети Николе, на А.Ј.(72) му одзел паричник со лични документи, пари и мобилен телефон.
Според надлежните, по целосно документирање на случајот ќе следува соодветен поднесок.
Црна хроника
Маж повреден при експлозија на рачна бомба додека работел на нива
![](https://makfax.com.mk/wp-content/uploads/2020/08/racna-bomba.jpg)
Во СВР Тетово вчера во 12.05 часот било пријавено дека околу 11.50 часот во атар на с.Неготино, општина Врапчиште, додека бил во нива на неговиот брат, кај место викано „Маврица“, од експлозија на рачна бомба со повреди се здобил Б.А.(51) од с.Неготино.
Тој бил пренесен во Ургентен центар во Гостивар за укажување на лекарска помош.
По овластување на јавен обвинител, увид извршила екипа од ОВР Гостивар во содејство со екипа од Единицата за откривање и демонтирање на експлозивни средства и направи при МВР.
МВР соопшти дека се работи на расчистување на случајот.
Црна хроника
Превезувал мигранти па бегајќи од полицијата удрил во полициско возило и во рампа на наплатна станица
![](https://makfax.com.mk/wp-content/uploads/2021/06/nintchdbpict000253800807-e1469186462318.jpg)
Синоќа околу 20.35 часот на сервисна улица после исклучокот од автопатот А1 Велес – Скопје, кон с.Отовица, велешко, полициски службеници забележале дека во патничко возило „фолксваген туран“ се превезуваат мигранти.
Откако возачот ги забележал полициските службеници, со возилото удрил во возило „форд“, сопственост на МВР, по што продолжило со движење на автопатот А1 и на наплатната станица Отовица со возилото удрил во рампа на кабина.
Полицијата соопшти дека се преземаат мерки за расчистување на случајот.