Црна хроника
Приведени двајца криумчари, превезувале 87 лица мигранти
Денес на автопатот кај клучка „Миравци“ полициски службеници од Полициска станица Богородица ги лишија од слобода М.Ј.(43) од Скопје и А.А.(26) од с.Арачиново, скопско.
Имено, околу 00.10 часот при контрола во товарно моторно возило „ивеко“ со приколка, со скопски регистарски ознаки, управувано од М.Ј., во кое и сопатник бил А.А., пронајдени се 87 лица мигранти. Од нив 45 од Сирија, 39 од Пакистан, двајца од Конго и едно од Индија, велат од МВР.
М.Ј. и А.А. се приведени и против нив ќе биде поднесена соодветна пријава, а по завршување на постапката лицата мигранти ќе бидат спроведени во прифатно-транзитен центар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
23-годишник тешко повреден при работа во фирма, известен е трудов инспектор
Вчера во СВР Скопје, од Градската општа болница „Св.Наум Охридски“ Скопје било пријавено дека кај нив за укажување помош дошол 23-годишниот М.Н. од Скопје, кој пријавил дека се здобил со повреди на 04.06.2024 при извршување работни задачи во фирма на подрачјето на Гази Баба, извести МВР.
Лекар констатирал тешки телесни повреди и за настанот бил известен трудов инспектор.
Црна хроника
Тепачка во куќа во центарот на Скопје, причина – нерасчистени имотно-правни односи
Вчера вечер, во 23.00 часот во СВР Скопје било пријавено дека во куќа на подрачјето на Центар, по претходна расправија околу нерасчистени имотно-правни односи, бил нарушен јавниот ред и мир со физичка пресметка помеѓу Д.О.(38) и Ѓ.О.(62) од една страна и А.О.(34) и Р.Д.О.(59) од друга страна, сите од Скопје, при што бил употребен и тврд предмет, извести МВР.
По целосно документирање на случајот ќе следува соодветен поднесок.
Црна хроника
Малолетничка нападната кај железничката пруга во Аеродром
Вчера во 17.50 часот во СВР Скопје, 39-годишната М.Д. од Скопје пријавила дека околу 16.30 часот во близина на железничка пруга на подрачјето на општина Аеродром, нејзината малолетна ќерка била физички нападната од едно лице, кое ѝ го одзело мобилниот телефон, извести МВР.
Се преземаат мерки за расчистување на случајот.