Триесет и двегодишна жена од Скопје пријавија во полицијата дека околу 06:30 часот во нејзиниот дом на подрачјето на Кисела Вода била физички нападната од нејзиниот поранешен партнер М.Т.(31) од Скопје.

По целосно документирање на случајот ќе следува соодветен поднесок, соопшти МВР во дневниот полициски билтен.

Во саботата попладне, околу 17:20 часот, во нива во атарот на селото Долно Лисиче, скопско, избувнал пожар во камп приколка во која престојувал 68-годишниот В.Н..

Според информациите од Министерството за внатрешни работи, во пожарот нема повредени лица, а огнот бил брзо изгаснат од екипа на Бригадата за противпожарна заштита на Град Скопје.

На местото на настанот бил извршен увид од екипа на СВР Скопје. Причините за пожарот се утврдуваат.

Фото: илустрација

Синоќа околу 50 минути по полноќ, струшката полиција уапсила 17-годишно лице од селото Ташмаруништа, осомничено дека со нож тешко повредило 24-годишен маж од Вевчани.

Инцидентот се случил на улицата 15 корпус во Струга, по претходна расправија меѓу двајцата. Според информациите од Министерството за внатрешни работи, малолетникот со нож го прободел М.П. (24), по што повредениот бил пренесен со возило на Итната медицинска помош во Општата болница во Струга, каде лекарите констатирале тешки телесни повреди.

Од МВР информираат дека по целосно документирање на случајот, против осомничениот ќе бидат поднесени соодветни пријави.