Црна хроника
Притвор за собирач на отпад од Струмичко кој силувал девојка со пречки во развојот
Основното јавно обвинителство од Струмица поднесе обвинение против 32-годишен собирач на отпад кој силувал девојка со пречки во развојот.
Како што информираат од Обвинителството, мажот го искористил претходното познанство со жртвата, па на 11 декември минатата година во нејзиниот дом во Струмичко ја нападнал девојката со пречки во развојот и ја силувал.
Тој како вработен во претпријатие за собирање отпад претходно се сретнал со неа, при што дознал за нејзината состојба и за куќата во која живее. Силувањето го извршил во момент кога девојката била сама во својот дом.
По пријава од родител на жртвата, осомничениот веднаш бил уапсен, а Основното јавно обвинителство Струмица презело дејства за расчистување на настанот.
Против 32-годишникот е поведено обвинение за сторено кривично дело обљуба врз немоќно лице.
Обвинителот до Основниот суд Струмица доставил и предлог за продолжување на притворот ценејќи дека се исполнети законските основи за тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.