Црна хроника
Притвор за тројца Албанци што шверцувале марихуана од Македонија во Грција
Тројца албански државјани добија 30-дневен притвор поради обид да прошверцуваат марихуана од Македонија во Грција.
Имено, битолското јавно обвинителство донело наредба за истражна постапка против тројца државјани на Албанија поради постоење сомнение дека како соизвршители сториле кривично дело неовластено производство и пуштање во промет наркотични дроги, психотропни супстанции и прекурсори“.
Според информациите, тројцата Албанци се осомничени дека во својата матична земја неовластено набавиле наркотична дрога марихуана со вкупна маса од околу 38 килограми, ја внеле во Македонија, ја препакувале во 36 најлонски пакувања и во две торби со возило ја донеле до нелегален граничен премин кон Република Грција во близина на селото Лажец.
Притоа еден од осомничените останал во возилото да чека, а другите двајца се обиделе дрогата пеш да ја пренесат во Република Грција за продажба. Сите тројца биле затекнати во извршување на делото во близина на црквата во селото Лажец.
Надлежен јавен обвинител предложил мерка притвор за албанските државјани, а судија на претходна постапка на сите тројца осомничени им одредил притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.