Црна хроника
Пријава за ексдиректорка на библиотека во Кочани
Секторот за внатрешни работи Штип до Основното јавно обвинителство Кочани поднесе кривична пријава против Р.Т.(44) од село Оризари, Kочанско, поради постоење основано сомнение дека сторила две кривични дела – злоупотреба на службената положба и овластувањето.
Таа во својство на вршител на должност директор на ЈОУ Библиотека „Искра“ – Кочани, во 2017 година, злоупотребувајќи ја својата службена положба и овластувањето, во два наврата постапила спротивно на одредбите од Законот за јавните набавки на тој начин што, без да спроведе постапка за јавна набавка, фаворизирала два правни субјекта.
„Во 2017 година ангажирала правен субјект од Кочани преку непосреден договор за услуга за одржување и поправка – вршење градежни активности во ЈОУ Библиотека ‘Искра’ – Кочани и Оризари, без притоа да биде спроведена постапка за јавна набавка на услуги. Исто така, во текот на 2017 година за услуги за патен транспорт (такси-услуги за вработените) фаворизирала едно правно лице од Кочани, без да спроведе постапка за јавна набавка и без тие услуги да бидат предвидени во планот за јавни набавки на библиотеката“, соопшти МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.