Црна хроника
Расчистени 12 кривични дела тешка кражба на подрачјето на Пробиштип

На 5.10.2022, во 00.30 часот, полициски службеници од ОВР Пробиштип ги лишиле од слобода Р. П. (31) и Д. С. (34) од Пробиштип. Тие биле затекнати при извршување кривично дело тешка кражба во објект во изградба на улицата Јаким Стојковски во Пробиштип (објавено во билтенот на МВР од 5.10.2022). По преземените мерки, полициските службеници расчистиле уште 13 кривични дела за кои постои основи на сомнение дека се извршени од Р. П. (31) од Пробиштип.
Во службен разговор во Полициската станица Пробиштип тој признал дека во периодот од јули 2022 до октомври 2022 година на подрачјето на ОВР Пробиштип извршил 11 кривични дела тешка кражба, со кои сe оштетени четири правни и две физички лица од Пробиштип, едно кривично дело загрозување на сигурноста извршено врз работник од обезбедување во рудник и едно кривично дело овозможување употреба на наркотични дроги.
Некои од украдените предмети се пронајдени, одземени и вратени им се на оштетените. На 5.10.2022 против Р. П. до ОЈО Штип поднесена е кривична пријава, а од судија на претходна постапка одредена му е мерка притвор и е спроведен во затворот во Куманово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен 30-годишник од Скопско поради тешка кражба, одреден му е притвор

На 14.10.2025 часот во 17:30 часот во трговски центар на подрачје на Карпош во Скопје полициски службеници од СВР Скопје го лишија од слобода 30-годишниот М.А. од село Глумово, скопско поради извршено кривично дело „тешка кражба“ по член 236 од Кривичниот законик на Р.С.Македонија.
Лицето по насока на Јавен обвинител беше задржано во Полициска станица и по комплетирање на доказниот материјал во координација со ОЈО Скопје истиот на 15.10.2025 година е изнесен пред судија на претходна постапка, при што му е одредена мерка притвор.
Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.