Црна хроника
Се бара притвор за албанскиот државјанин фатен со 100 килограми дрога во Дебарца

Oхридското Основно јавно обвинителство почна истрага против 38-годишен државјанин на Албанија поради сомнение дека сторил кривичното дело неовластено производство и пуштање во промет наркотични дроги.
Осомничениот, вчера, околу 20 часот, во Дебарца, бил запрен од полициски службеници додека управувал автомобил „ситроен берлинго“ со албанска регистрација, а во сопственост на друго лице.
При извршен претрес во возилото биле пронајдени 100 килограми марихуана, спакувана во 100 полиетиленски пакувања распределени во 5 најлонски вреќи.
Поради потребата од непречено одвивање на кривичната постапка, јавен обвинител доставил предлог за определување притвор за Албанецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Исчезнатиот рибар кај Злетовска Река најден мртов

Пронајден е починат исчезнатиот рибар Кире Павлов од Пробиштип.
Неговото исчезнување во полицијата го пријавил Благој Стојанов од истиот град кој со него бил на риболов на Злетовска Река во атарот на селото Жиганци. Кире Павлов тука исчезнал и му се изгубила трага, според пријавеното, пренесе Центарот за управување со кризи.
Полицијата подоцна извести дека лицето било пронајдено починато, а според првичните информации станува збор за природна смрт.
Црна хроника
Дете нападнато на автобуска станица во Центар од четири лица

А.К.(44) од Скопје пријавила дека на 26 април околу 22.20 на автобуска постојка на подрачјето на Центар, нејзиниот 14-годишен син бил физички нападнат од четири лица, кои ги познавал.
Се преземаат мерки за расчистување на случајот.
Топ
МВР трага по осумгодишно момче кое исчезнало во Скопје

Осумгодишниот А.Џ., кој имал здравствени проблеми се оддалечил од местото каде што престокувал со својот татко.
За случајот, полицијата во Карпош ја алармирал родителот на момчето.
Од МВР велат дека преземаат мерки за пронаоѓање на детето.
Полицијата трага и по две девојчиња на возраст од 11 и 14 години, кои исчезнаа во Скопје.