Црна хроника
Се судрија четири возила во Валандово, едниот возач побегна

Четири возила се судрија вчера на регионален пат Р 1401, на местото наречено Валандовско Брдо по што едниот од возачите побегнал со автомобилот.
„Во несреќата учествувале ‘фолксваген голф’, со гевгелиски регистарски ознаки, управувано од С. А. (46) од селото Николиќ, Дојранско, патничко возило ‘тојота’, со струмички регистарски ознаки, управувано од Н. К. (76) од Струмица, товарно возило ‘мерцедес’, со скопски регистерски ознаки, управувано од Д. П. Ѓ. (45) од Гевгелија, и уште едно товарно возило, кое го напуштило местото“, соопшти МВР.
Во несреќата тешки телесни повреди добил возачот на патничкото возило „тојота“, а телесни повреди добиле возачот и сопатникот во возилото „фолксваген голф“, констатирани во Здравствниот дом во Валандово.
Увид на местото извршила екипа на Полициската станица Валандово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Тепачка во соблекувалната на Градскиот стадион во Виница, нападнат фудбалер на „Карбинци“

Две лица физички нападнале фудбалер од клубот „Карбинци“ во соблекувалната на Градскиот стадион во Виница.
Според информациите на МВР, поднесена е кривична пријава против Д.М.(44) и Н.К.(40), двајцата од Виница, поради постоење основи на сомнение за сторено кривично дело „насилство“.
На 04 јуни во соблекувална на Градскиот стадион во Виница, пред започнување на фудбалски натпревар помеѓу екипите на ФК „Слога“ од Виница и ОФК „Карбинци“, пријавените физички го нападнале М.Д., фудбалер на екипата на ОФК „Карбинци“.
Црна хроника
Девојка пронајдена почината во казино во Центар

Дваесет и четиригодишна девојка е пронајдена почината во казино во Центар, Скопје.
Според информациите на МВР, вчера околу 19.42 часот во СВР Скопје било пријавено дека во казино во хотел на подрачјето на Центар во Скопје била пронајдена почината 24-годишната Г.Ј. од Охрид, вработена во казиното.
Лекар од Итна медицинска помош констатирал смрт без видливи траги на насилство, а по наредба на јавен обвинител телото на починатата било дадено на обдукција.
Црна хроника
Украдени бисти со ликови на починати лица од гробиштата во Бутел

Крадци украле бисти со ликови на починати лица од гробиштата во Бутел.
Според информациите на МВР, В.С.(73) и Љ.Г.(66), двајцата од Скопје, пријавиле дека во периодот од 01.02.2025 до 09.06.2025 од две различни гробни места на Градските гробишта Бутел, со употреба на физичка сила и погоден алат биле одземени две бисти со лик на починати лица.
Се преземаат мерки за расчистување на случајот.