Црна хроника
Инспектор барал поткуп од земјоделско претпријатие за да не состави записник со нерегуларности
Отсекот за економски крминал при полицијата во Радовиш поднесе кривична пријава против 38-годишник од Струмица, вработен во Агенцијата за финансиска поддршка во земјоделството, кој се товари за сторено кривично дело примање поткуп.
Според информациите од МВР, во декември 2019 година осомничениот извршил контрола над земјоделски површини, во сопственост на правен субјект од радовишкото село Бучим, за што изготвил записник без констатирани забелешки, а врз основа на тој записник на правниот субјект му биле исплатени субвенции.
Во април 2020 година пријавениот остварил контакт со управителот на правниот субјект и побарал од него да му исплати 600 евра како награда за претходно изготвениот записник без неправилности, а ако не го стори тоа, се заканил дека ќе изготви нов записник со констатирани неправилности поради што субјектот ќе мора да ги враќа исплатените средства и ќе нема право да аплицира за доделување субвенции за следната година.
На 29 април годинава на локален пат од село Бучим кон Радовиш од страна на полицски службеници е запрен автомобил „мерцедес“, управуван од службеникот, при што во возилото биле пронајдени обележани банкноти во вкупен износ од 36.000 денари, кои претходно осомничениот ги примил од управителот на правниот субјект од село Бучим.
Струмичанецот е уапсен и по поднесена кривична пријава, предаден е на јавен обвинител од Основното јавно обвинителство Струмица, од каде што е изведен пред судија на претходна постапка во Основниот суд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.