Црна хроника
Три одделни тепачки вчеравечер во Тетово и Гостивар

Полициски службеници на СВР Тетово, вчеравечер, околу 22 часот, ги лишиле од слобода 71-годишниот З. С. и 70-годишниот М. М. од тетовско Раотинце, кои претходно биле пријавени од 60-годишниот Љ. И. дека по меѓусебна расправија околу 15.30 часот, физички го нападнале, извести СВР Тетово.
Во нападот, според пријавеното, тие користеле дрвен предмет и огнено оружје. Двајцата се задржани во Полициската станица Тетово за натамошна постапка.
Дваесет и двегодишниот гостиварец Б. Б., вчеравечер, во 23.55 часот, во СВР Тетово пријавил дека речиси два часа пред тоа на улицата ЈНА во Гостивар физички бил нападнат од две лица, а поради недоразбирања во сообраќајот, соопшти СВР Тетово.
Шеесет и петгодишниот Ќ. Х. од Тетово, вчера, во 19.30 часот, во СВР Тетово пријавил дека околу 16 часот во близина на местото наречено Бањиче физички бил нападнат од едно лице, кое го познавал, поради нивни нерасчистени односи. Се преземаат мерки за расчистување и документирање на случајот, додаваат од СВР Тетово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
1624 семки канабис одземени од велешанец при претрес на неговиот дом, полицијата го уапси

Полицајци од одделот за недозволена трговија со дрога го уапси 41-годишниот (Т.Б.) од Велес. По издадена судска наредба тие при претрес во неговиот дом пронајдоа и му одзедоа кафена прашкаста материја, 1624 семки канабис и остатоци од зелена растителна материја, извести полицијста
(Т.Б.) е приведен во полициска станица, известен е јавен обвинител и по документирање на настанот, против него ќе биде поднесена соодветна пријава.
Црна хроника
Полицијата уапси 15-годишник во Скопје, насила одзел пари на 44- годишен маж

Вчеравечер полицијата уапси 15-годишен малолетник од Скопје по претходна пријава дека во скопски Центар насила одзел пари од 44-годишен маж.
Оштетениот пријавил во полиција која, пак, за кусо време го пронашла и го уапсила малолетникот. Од МВР најавија соодветна пријава по целосно документирање на случајот.
Црна хроника
Му стигнало писмо од извршител за два кредита кои не ги зел, 23-годишен скопјанец пријавил измама

23-годишен скопјанец во четвртокот во скопската полиција пријавил злоупотреба на личните податоци. Според пријавата, непознато лице во 2021 година на име на пријавителот зело два кредита од финансиско друштво. Дознал за измамата минатата недела кога му стигнало писмо од извршител за неплатен долг во износ од 80.758 денари.
Министерството за внатрешни работи презема мерки за расчистување на случајот.