Црна хроника
Тројца скопјани искасани од кучиња скитници

Три случаи на каснување од куче скитник се пријавени вчера во полициските станици во Скопје.
Вчера во 14.00 часот во Полициската станица Аеродром, 52-годишниот Г.С. од Скопје пријавил дека на булеварот „Јане Сандански“ во Скопје, неговиот малолетен син бил каснат од куче скитник.
Вчера во 17.00 часот во Полициското одделение Шуто Оризари, 39-годишниот Д.Ш. од Скопје пријавил дека на улицата „Хаџи Јован Шишко“ во Скопје, неговиот малолетен син бил каснат од куче скитник.
Вчера во 18.00 часот во Полициската станица Чаир, 69-годишниот З.А. од Скопје пријавил дека на улицата „Индира Ганди“ во Скопје бил каснат од куче скитник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Две лица нападнале возач во автобус на ЈСП

Вчера во 13.40 часот на подрачјето на Карпош, полициски службеници од СВР Скопје ги лишиле од слобода И.Б.(60) и С.О.Б.(59), двајцата од Скопје. Тие се сомничат дека, по претходно недоразбирање во сообраќајот, во автобус на ЈСП физички го нападнале С.М.(51) од Скопје додека извршувал работни задачи како возач на автобус во ЈСП.
По целосно документирање на случајот, против нив ќе биде поднесена соодветна пријава.
Црна хроника
Лице во Арачиново со пиштол им се заканувалo на вработени во ЕВН

Вчера во 11.10 часот од Полициското одделение Арачиново било пријавено дека едно лице со пиштол му се заканувало на С.Ц.(55) од Скопје и уште тројца негови колеги, сите вработени во ЕВН Македонија, додека извршувале работни задачи.
Се преземаат мерки за расчистување на случајот.
Црна хроника
Загина работник во Кисела Вода

Вчера во 09.12 часот во СВР Скопје, од Ургентен центар при Комплекс клиники „Мајка Тереза“ Скопје било пријавено дека кај нив со тешки телесни повреди бил донесен С.С.(55) од с.Черкези, кумановско, кој подоцна починал.
Според пријавеното, при извршување градежни работи, тој паднал од објект во изградба на подрачјето на Кисела Вода.
Увид бил извршен и се работи на расчистување на случајот.