Црна хроника
Уапсени три лица од Струга под сомнеж дека повеќекратно силувале девојче помладо од 14 години

Струшката полиција денеска уапси три лица осомничени дека во повеќе наврати силувале девојче помладо од 14 години, чија што точна возраст МВР не ја открива.
„ОВР Струга ги лиши од слобода 57 годишен жител на селото Враништа, 69 годишен жител на село Драслајца и жител на село Мороишта на возраст од 17 години , поради основано сомневање за сторено кривично дело полов напад врз малолетник кој не наполнил 14 години“, велат од СВР Охрид.
Случајот во полиција го пријавил таткото на девојчето а од полицијата најавија дека против сторителите ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведен бегалец од затвор, вратен е во затворот во Идризово

Денеска во 03.10 часот полициски службеници од ПС Гостивар, врз основа на судска наредба, го лишиле од слобода Б.М.(61) од с.Речане кој бил баран со потерница поради бегство од КПУ Идризово.
Б.М. бил осуден на девет години и 11 месеци, а за доиздржување имал три години, пет месеци и 14 дена, а во врска со сторени кривични дела по член 215 и 247 од КЗ.
Тој е спроведен во КПУ Идризово за доиздржување на затворската казна.
Црна хроника
Блокиран пат кај Велес поради сообраќајна несреќа

Од 15.25 часот на регионалниот пат кај мотел Велес до Велес, сообраќајот е во целосен прекин.
Од АМСМ информираа дека прекинот е поради сообраќајна несреќа.
Засега нема информации дали има повредени во несреќата.
Црна хроника
Автомобил удри во жена во Струмица

Вчера на крстосницата од улиците Братство единство и Браќа Миладинови во Струмица, автомобил „пежо 407“ со струмички регистарски ознаки, управувано од 39-годишната М.С. од селото Радово, струмичко, удрило во пешакот М.Ф.(39) од Струмица.
Во несреќата со тешки телесни повреди се здобила М.Ф., констатирани во болницата во Струмица.
Извршен е увид.