Црна хроника
Уапсен 21-годишен струмичанец кој во викендичка во Берово чувал 185 килограми марихуана
Марихуана со тежина од 185 килограми, спакувана во 18 полиетиленски кеси, била пронајдена при полициски претрес во шупа на викендичка во Берово, во текот на вечерните часови на 27 ноември.
Како што информираат од МВР, претресот бил направен во викендичка на местото Суви Лаки, сопственост на 63-годишен струмичанец, која исто така ја користел и неговиот 21-годишен син, врз основа на наредба од судија на претходна постапка од Основниот суд во Берово.
Полицијата при претресот пронашла марихуана и во самата викендичка и го уапсила 21-годишниот струмичанец.
СВР Струмица работи на целосно расчистување и документирање на настанот по што против уапсениот ќе биде поднесен и соодветен поднесок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.