Црна хроника
Херион најден кај три лица во Кочани, поднесена кривична пријава

На 05.04.2025 од страна на Надворешната канцеларија за криминалистички работи Кочани до OJO-Кочани е поднесена кривична пријава по чл.215 од К3 за “Невластено производство и пуштање во промет на наркотични дроги, психотропни супстанции и прекурсори” против лицата С.А.(34), С.А.(23) и Н.А. (24) од Кочани.
Имено, од страна на инспектори од НК за КР Кочани при претрес кај пријавените лица пронајдени се 14,9 грама наркотична дрога хероин.
Од страна на Основен суд Кочани за горепријавените е определена мерка притвор во траење од 30 дена.
Лицата С.А и С.А се спроведени во Затвор Куманоно, додека лицето Н.А сеуште не е достапно за органите на прогонот и за истото ќе биде распишаната централна потерница.
Дополнително од страна на НК за КР Кочани до ОЈО Кочани ќе биде поднесена кривична пријава по чл.242 од кривичниот законик за “Одземање моторно возило” против горенаведениот С.А. (34) од Кочани, бидејќи на 22.03.2025 одземал патничко возило “БМВ 318” со кочански регистарски таблички.
По оперативно-тактички мерки од страна на полициски службеници од СВР Штип, предметното возило е пронајдено на 04.04.2025, по што е вратено на сопственикот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кавадарчанец бил удрен со возило во дворот

Кавадарчанец пријавил во полиција дека бил удрен од возило во неговиот двор.
„Рано утрово во 00:30 часот во ОВР – Кавадарци, Д.Н., 53-годишен кавадарчанец, пријавил дека синоќа околу 22:30 часот во дворот од неговиот дом, бил удрен од патничко возило, што го управувал Д.С., при што се здобил со повреди“, појаснија од Секторот за внатрешни работи – Велес.
Оттаму потенцираа дека се преземаат мерки за расчистување на настанот.
Црна хроника
53-годишен пешак од Украина загина кај граничниот премин Долно Блаце

22-годишната Б.С. од Косово, со живеалиште во Сојузна Република Германија, удрило во пешакот К.М. (53) од Украина, кој подоцна им подлегнал на повредите.
Несреќата се случила вчера околу 18:00 часот, на магистралниот пат Скопје – Граничен премин Долно Блаце кога 22 годишната девојка удрила во 53-годишниот Украинец.
Пешакот се здобил со тешки телесни повреди и веднаш бил пренесен со возило на Итна медицинска помош од Косово во најблиската болница. За жал, во 20:20 часот лекарите констатирале смрт. По наредба на јавен обвинител, телото било дадено на обдукција за да се утврдат точните околности на трагедијата.
Б.С., исто така се здобила со телесни повреди, кои ѝ биле констатирани во приватна болница во Скопје. На местото на несреќата извршен е увид од јавен обвинител и увидна екипа на СВР Скопје, а истрагата е во тек за целосно расчистување на случајот.
Црна хроника
Приведен штипјанец кој „летал“ со 252 км/ч или двојно повеќе од дозволеното

36-годишниот Г.Ј. од Штип вчера беше приведен од страна на полициски службеници од СВР Струмица – ОВР Гевгелија откако на автопатот „Пријателство“ кај селото Милетково возел со неверојатни 252 километри на час.
Како што информира МВР, возачот управувал патничко возило марка „БМВ“ со скопски регистарски таблички, и тоа на делница каде што максимално дозволената брзина е 120 километри на час.
За случајот бил известен јавен обвинител од Основното јавно обвинителство Гевгелија, а против возачот ќе биде поднесена кривична пријава по член 297-а од Кривичниот законик за „безобѕирно управување со моторно возило“.