Црна хроника
Четворица повредени во сообраќајна несреќа на локалниот пат Челопек – Милетино, едното возило го управувал 13-годишник

Вчера, во 16 часот, во СВР Тетово, пријавено е дека на локалниот пат Челопек – Милетино, во тетовски Челопек, се случила сообраќајна несреќа, во која учествувале две патнички моторни возила со тетовски регистарски ознаки: „фолксваген голф“, управуван од 26-годишниот А. Т. од тетовско Милетино, и „бмв“, што го управувал 13-годишен малолетник од Челопек, извести СВР Тетово.
„Во несреќата сопатниците од „голфот“, 46-годишниот С. Т. и 27-годишната М. Б. од Милетино, добиле тешки телесни повреди, а двајцата возачи телесни повреди констатирани во тетовската Клиничка болница, каде што биле пренесени за укажување лекарска помош“, соопшти СВР Тетово.
На местото на несреќата увид извршила екипа од СВР Тетово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Насилство во ходник на Центарот за социјални грижи во Пехчево: ја турнал во прозорецот и таа паднала во дворот на објектот

Во Полициската станица Пехчево вчера попладне е пријавено дека во ходник од објект на Центарот за социјални работи во Пехчево, по претходна расправија поради недоразбирања во врска со нивната малолетна ќерка, бил нарушен јавниот ред и мир со физичка пресметка помеѓу В.Т.(27) од Гевгелија и В.П.Н.(23) од Пехчево, извести Министерствот за внатрешни работи.
„Според пријавеното, (В.Т.) ја турнал (В.П.Н.) во прозорецот, при што (В.П.Н.) паднала во дворот на објектот. На (В.П.Н.) и е укажана лекарска помош од Итната медицинска помош-Пехчево, а (В.Т.) е приведен во полициска станица“, соопшти полицијата.
По целосно документирање на случајот МВР најави соодветен поднесок.
Црна хроника
Ѝ одзеле нож со остатоци од кокаин, а дома ѝ нашле амфетамин, кривична против 36-годишна скопјанка

СВР Скопје поднесе кривична пријава против В.А.(36) од Скопје поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурзори“.
На 06.04.2025 во Скопје, полициски службеници извршиле преглед над пријавената, при што е пронајден и одземен нож со остатоци од кокаин и прашкаста материја, а при извршен претрес во домот на пријавената е пронајден и одземен амфетамин, соопшти полицијата.
Црна хроника
Скопјанка повредена откога со електричен велосипед удрила во пешак на Партизанска во Скопје

Синоќа скопската полиција добија пријава за судир на велосипедистка и пешак во која била повредена велосипедистката. Несреќата се случила на булеварот Партизански одреди.
„На 27.06.2025 во 20.20 часот во СВР Скопје е пријавено дека на булеварот Партизански одреди во Скопје се случила сообраќајна незгода во која учествувале електричен велосипед ’бенели’, управуван од 55-годишната С.Ј. и пешакот З.Н.(50) од Скопје. Во несреќата со тешки телесни повреди се здобила С.Ј., констатирани во Градската општа болница ’Св.Наум Охридски’ во Скопје“, извести Министерството за внатрешни работи.
Увид на местото на несреќата направила увидната екипа од СВР Скопје.