Црна хроника
59-годишник изгубил контрола врз мопедот и паднал, со тешки повреди пренесен на Ургентниот центар во Гостивар

Вчера во 13.05 часот во ОВР Гостивар било пријавено дека на улица „Тоде Богданоски“ во Гостивар, 59-годишниот С.Д. од гостиварски Равен, управувајќи мопед со гостиварски регистарски ознаки, изгубил контрола и паднал од мопедот, извести МВР.
„Во несреќата со тешки телесни повреди се здобил возачот, констатирани во Ургентен центар во Гостивар“, соопшти МВР.
Увид на местото на несреќата извршила екипа од ОВР Гостивар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени тројца скопјани, биле барани по централни потерници

Вчера во Скопје од слобода биле лишени 55-годишниот З.Н., 55-годишниот Р.Т. и 37-годишниот С.М., тројцата од Скопје, кои биле барани по централни потерници врз основа на судски наредби за издржување затворски казни.
Полициски службеници од Секторот за меѓународна полициска соработка – Отсек потраги го лишиле од слобода З.Н. затоа што бил баран за издржување казна затвор од две години за сторено кривично дело по член 236 став 1 од Кривичниот законик. Полициски службеници од Полициската станица Кисела Вода го лишиле од слобода Р.Т. затоа што бил баран за издржување казна затвор од 10 месеци за сторено кривично дело по член 300 став 1 во врска со член 297 од Кривичниот законик.
Додека, полициски службеници од Одделенијата за криминалистички работи Ѓорче Петров и Кисела Вода го лишиле од слобода С.М.за издржување затворска казна за сторено кривично дело по член 202 став 1 од Кривичниот законик.
Лицата биле спроведени во Казнено – поправните установи Затвор Идризово и Затвор Скопје за издржување на казните.
Топ
„Ќе ве убијам и тебе и татко ти ако излезе видеото“ – скопјанец се снимал додека пука со автоматска пушка, па се заканувал

Скопското обвинителство донесе наредба за спроведување истражна постапка за 35-годишник кој во неговиот дом во Кондово неовластено држел полуавтоматски пиштол со две рамки и муниција. Со оружјето, осомничениот преку „Ватс ап“ се заканувал дека ќе нападне дете и неговиот татко.
За да се пофали дека поседува огнено оружје, тој најпрво во февруари на телефонскиот број кој во тој временски период го користело детето, испратил видео клип на кој се гледа како пука со автоматска пушка додека бил на некоја свадба. Детето го зачувало видеото во телефонот.
На 7 април, кога детето веќе користело друг телефонски број, тој преку апликацијата му се јавил и му се заканувал дека ќе го убие него и неговиот татко, ако ја објави снимката со автоматската пушка, соопшти Обвинителството.
По неколку часа повторно му се јавил на детето и на висок тон продолжил со заканите, предизвикувајќи чувство на несигурност и страв кај него.
Се бара притвор.
Црна хроника
Измамил старица за 3.000 евра, лажел дека син ѝ прегазил дете

Измамник земал 3.000 евра од старица во Скопје. Тој ѝ рекол дека син ѝ со автомобил прегазил дете, а за да се спаси од затвор треба да му даде пари.
Според информациите на МВР, вчера 81-годишна жена од Скопје пријавила во полиција дека била измамена од едно машко лице за сума од 3.000 евра.
Според пријавеното, лицето ѝ се јавило телефонски, се претставило како полициски службеник и ѝ кажало дека нејзиниот син и неговата сопруга предизвикале сообраќајна несреќа во која прегазиле дете и доколку не сака да лежат во затвор требало да плати. Како што е пријавено, таа парите ги оставила на договореното место, а откако нејзината снаа се вратила во домот од работа, таа сфатила дека била измамена.
Се преземаат мерки за расчистување на случајот.